Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران دے اکبر اعظم، ہاشمی رفسنجانی82 سال دی عمر وچ پورے ہو گئے

ایران دے اکبر اعظم، ہاشمی رفسنجانی82 سال دی عمر وچ پورے ہو گئے

وچار ڈیسک
January 9th, 2017

اوہ ایرانی انقلاب دا اعتدالی چہرہ وی سن اتے اْس سوچ د ے موڈھی سن جس پاروں ایران ۔عراق جنگ بندی ہوئی تےامریکہ نال گل بات لئی بیک ڈور اوس ویلے کھولیا گیاجداں ایران وچ امریکہ نوں ’’شیطان‘‘ آکھن دا رواج عام سی۔ ایہہ رفسنجانی ہی سن جنہاں انقلابی ایران نوں عالمی تنہائیاں چوں نکلن دا رستہ وکھایا ۔ جے انہاں نوں2005وچ شکستاں نہ ہوندیاں تے جو رستہ ایران2015وچ اپنایا ہے اوہ دس سال پہلاں اپنا لتا جاندا۔1934وچ ایران دے صوبہ کرمان دے شہر رفسنجان جمے اکبر ہاشمی روح اللہ خمینی ہوراں نال قم وچ کلاس فیلو سن۔انہاں دی رنگا رنگ شخصیت بارے آکھیا جاندا ہے پئی اوہ سیاسی طور تے جابرانہ، روحانی (فلسفیانہ )طور تے روائیتی اتے معاشی طور تے لبرل خیالات رکھدے سن۔روس تے پاکستان نال خفیہ نیوکلیر ڈیلاں وچ وی انہاں دا ناں چلدا رہیا۔1979بعدوں اوہ وڈے عہدیاں تے رہے اتے نال نال انہاں دی پاسداران انقلاب والیاں نال اکھ مچولیاں چلدیاں رہیاں۔انہاں نوں ایران دا سب توں مالدار بندہ وہ آکھیا جاندا ہے۔اشرافیہ تے اپر مڈل کلاس وچ انہاں دے حمائیتی وادھو سن۔1989توں1997تیک او ہ ایران دے صدر رہے۔جداں انہاں نوں کجھ سال پہلاں مڑ صدارتی امیدوار بنن توں مذہبی وڈکیاں روکیا تے انہاں آپدا سارا وزن آپدے پرانے اعتدالی سجن تے موجودہ صدر حسن فریدون روحانی دے پلڑے وچ پا کے اوس نوں جتوا دتا۔انہاں نوں گریٹ اکبر وی آکھیا جاندا سی کیونجے انہاں دا ایرانی سیاستاں تے بہوں اثر سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels