Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> امریکہ بعدوں فرانس وچ وی روسی مداخلتاں،ٹرمپ تے لی پن ،نسل پرست قوم پرست؟

امریکہ بعدوں فرانس وچ وی روسی مداخلتاں،ٹرمپ تے لی پن ،نسل پرست قوم پرست؟

وچار ڈیسک
January 6th, 2017

فرانس: لی پن فرانس دی نسل پرست قوم پرست پارٹی دی لیڈر جے اتے اوس نوں اک روسی بینک نے دو سال پہلے پورے 9ملین یورو(اک ارب روپیئے)دا قرضہ دتا سی۔ ٹرمپ وانگ لی پن وی روسیاں دی حمائیتی، پناہ گیراں دی ویری ہے اتے یورپی یونین توں نکلنا چاہندی ہے۔ایس سب لئی او س نے نسل پرست قوم پرستی دا چولا پایا جے۔روسی بینک ایف سی آربی داخیال ہے پئی لی پن آپدی پرانی کمٹمنٹاں پوریاں نہیں کیتیاں ۔پر ایس خبر نے آون والیاں فرانسیسی صدارتی چوناں نوں اک نواں رنگ دے دتا ہے۔لبرل پارٹیاں دے بیان وادھو نیں تے لی پن پھس گئی جے۔لی پن صدارتی امیدوار جے اتے اوس نے ٹرمپ دی جت نوں جی آیا نوں آکھیاسی۔ ہن پتہ چلیا ہے پئی ہورے دوناں دے مگر ڈونر اک ہی جے۔ویسے پاکستان وچ وی برطانیہ تے سعودی عرب دی اینج دی حمائیتاں کرن والے بڑے نیں اتے لندن پلان وی آندے رہندے نیں۔باہرلی رقماں تے چوناں دا نواں تال میل نویں سیاستاں دا بوتھا جے۔روسی تے فرانسیسی میڈیا آکھ رہیا ہے پئی روسی بینک نوں چلاون والی انشورنس کمپنی نے ایہہ رولا چکیا ہے۔ہلے تیک روسی سرکار دا ردعمل گول مول ہے اتے اوہناں بینک نوں پچھیا ہے کہ اوہناں قرضے دے سمجھوتے نوں کیوں بدلیا ہے۔چیتے رہے پئی لی پن تے اگے ہی یورپی یونین دے قرضے نوں ہڑپ کرن دا الزام جے۔ یورپ تے امریکہ وچ نسل پرست قوم پرستیاں دا ابھار جے اتے ایس ابھار مگر کون ہے ایس خبر نے ایس نوں ہور وی مشکوک کر چھڈیا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels