Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارتی سپریم کورٹ:سیاست وچ مذہب تے ذات نوں ورتن بارے مناہیاں۔قنون تے بیانیہ بدلو

بھارتی سپریم کورٹ:سیاست وچ مذہب تے ذات نوں ورتن بارے مناہیاں۔قنون تے بیانیہ بدلو

January 4th, 2017

بھارتی سپریم کورٹ نے نویں سال دے حوالے نال اک نواں فیصلہ دتا ہے۔ جج ایس پی ٹھاکر ہوراں آپدے فیصلے وچ آکھیا ہے پئی چوناں لڑن والے دھرم تے ذات دے ناں تے ووٹ نہیں منگ سکدے۔ ایہہ فیصلہ اس ویلے آیا ہے جدوں یوپی، پنجاب، منی پورہ وغیرہ وچ صوبائی اسمبلیاں دی چوناں ہون والیاں نیں۔ ایہہ فیصلہ ایسے کورٹ دے 1995 والے فیصلہ دے الٹ ہے جس پاروں دھرم نوں سیاستاں وچ ورتن دی گل کیتی گئی سی۔ چیتے رہے ایہہ بھارتی آئین بارے پرانی بحثاں وچوں اک ہے جیہڑی پاکستانی آئین دی ضیاالحقی شقاں یعنی آرٹیکل 62,63 وانگ گمراہیاں پھیلاون والا’’ گھما‘‘ جے۔بھارتی آئین دے آرٹیکل 123(3) وچ ایہہ لکھیا سی پئی چوناں وچ دھرم دا ورتارہ نہیں ہوسکدا۔حیران نہ ہونا، 1947بعدوں بھارتی سرکارجہیڑا بیانیہ بنایا اوس وچ انگریز مخالفتاں وچ دھرم ورتن والیاں نوں وی ’’آزادی دے مجاہداں‘‘ وچ رلتی کر چھڈیا سی اتے ایہہ بھارتی آئین دی ایس شق نال ٹکراندا سی جس وچ سیاستاں تے دھرم نوں وکھ وکھ کیتا گیا سی۔اجہے بیانیے پاروں دھرمی سیاستاں کرن والے تگٹرے ہوئے۔پھیر 1954 وچ اے�آ آرٹیکل نوں چیلنج کردتا گیا سی۔ ایہہ بحثاں اودوں مکیاں سن جدوں 1995 وچ بھارتی سپریم کورٹ نے ہندو دھرم نوں way of life قرار دیندے ہوئے دھرمی سیاستاں نوں قنونی چولا پوا دتاسی۔ ایہہ اوہی ویلہ ہے جدوں انڈین سیاستاں وچ بی جے پی دا اُلار سی اتے گجرال فارمولانے انڈین ریاست دے اصل’’ حاکماں‘‘نوں پریشان کیتا ہویا سی۔ گجرال فارمولے توں جان چھڈاندے چھڈاندے بھارتی اسٹیبلشمنٹ واجپائی، من موہن سنگھ توں اخیر مودی ہوراں تک اپڑ گئی تاں جا کے ودالتاں نوں جاگ آئی۔ پر ہلے وی دھرم نوں ورتن حوالیاں نال وڈا فیصلہ نہیں آیا ۔دو جنوری دا فیصلہ اک شارہ جے اتے ایس بارے کھل کے گل کرنی ہوسی۔ 7 وچوں چار ججاں نیں ایس آئینی آرٹیکل وچ وضاحتاں کرن دا آکھیا ہے جدکہ جج گویل ، چندرچد اتے لالت ہوری ایس نویں فیصلے وچ رلتی نہیں۔ بھارتی طالبان ایس نوں آپدی شکست سمجھ رہے نیں اتے ایس دے خلاف بول وی رہے نیں۔لگدا ہے پئی ویلہ ہن بدل رہیا ہے پر اساڈی ریاستاں وچ انتہا پسنداں دی وڈی گنتریاں ایس لئی تیار نہیں۔قنون بدلنے لوڑی دے نیں پر بیانیہ وی بدلنا ہو سی۔جے ’’رام راجیہہ‘‘ انگریز مخالفتاں وچ ٹھیک سی تاں پھیر آزادی بعدوں کیوں غلط ؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels