Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> زبردستی دا ویاہ: برطانوی پالیسیاں انسانی حقاں نال ٹکراندیاں نیں۔ممبر برٹش پارلیمنٹ

زبردستی دا ویاہ: برطانوی پالیسیاں انسانی حقاں نال ٹکراندیاں نیں۔ممبر برٹش پارلیمنٹ

وچار ڈیسک
December 29th, 2016


اسلام آباد: برطانیہ وچ اک پاکستانی پچھوکڑ دی زنانی ( سیکورٹی پاروں ناں لکایا گیا ہے) نوں نرے 16 ورہیاں دی عمر وچ اک پاکستانی نال زبردستی ویاہیا گیا سی۔ اس بالڑی دا بندہ اس نوں مار دا وی سی اتے گھر وچ اسلحہ رکھدا سی تانجے بالڑی ڈر دی رہے۔ اک دیہاڑ بالڑی اس نوں آکھیا پئی برطانوی سفارت خانے وچ کاغذات تے دستخط کرن جانا ہے۔ بس ایس طرح بالڑی اس خبیث توں جان چھڑائی۔ اوہ ہن 19 ورہیاں دی سی تے اوس اسلام آباد دے برطانوی سفارت خانے والیاں نوں آپدی کہانی سنائی۔ اوس دا بندہ باہر اس نوں اڈیک رہیا سی۔ پر بالڑی تے نہ واپس آنا سی اتے نہ آئی۔ سفارت خانے والیاں قنونی کاروائیاں کیتیاں تے بالڑی نوں مڑ برطانیہ کھل دتا۔ اسی دی واپسی تے جیہڑا خرچہ ہویا اس نوں زنانی دے ناں تے قرضہ آکھیا گیا اتے سفارت خانے والیاں اس دا برٹش پاسپورٹ آپدے کول رکھ لتا۔ ایہہ قرضہ814 پونڈ (اک لکھ 5 ہزار روپے) دا ہے۔ جداں تیک پاسپورٹ سفارتخانے کول ہے اوہ زنانی نہ تے کوئی نوکری کرسکدی ہے اتے نہ ہی ڈرائیونگ لائسنس بنا سکدی ہے۔ زنانی نول رہن لئی اک برطانوی شہر وچ تھاں تے مل گئی پر ہن اوہ اسماناں تو ڈگ کے کجھور وچ اٹکی ہوئی جے۔ ایہہ گلاں میڈیا توں شائستہ گوہیر ہوراں دسیاں جو برطانیہ وچ مسلم وومن نیٹ ورک نامی ادارہ چلاندیاں نیں۔ اوہناں اس بالڑی دے خاوند دی بھیڑی حرکتاں بارے وی دسیا اتے تشدداں بارے وی۔ دوسال پہلاں ایہہ بالڑی اسلام آباد دے برٹش سفارت خانے گئی سی۔ اس ویلے میڈیا وچ وی ایہہ رپورٹ ہویا سی۔ گوہیر ہوراں آکھیا پئی برٹش سرکار یا تے ایس بندے کولوں ایہہ رقم لین لئی کاروائیاں کرے یا فیر آپدے کولوں ایس خاتون دے قرضہ نوں معاف کرے۔ ایس بالڑی نال تے بڑی زیادتیاں ہوئیاں نیں اتے ایس دی ذمہ داری تے اس دے خاوند یا خاوند دے خاندان تے ہونی چاہیدی ہے۔ ورنہ ایہو سمجھیا جائے گا کہ اساں بالڑی نوں مڑ اس جہنم وچ گھلن دی گل کررہے ہاں۔ اجہی زنانیاں جنہاں دی زبردستی شادی کردتی جاندی ہے اوہ تے اکثر اجہے حالات داہی شکار ہوندیاں نیں۔ برطانیہ دے وزارت خارجہ دے بلارے آکھیا پئی سانوں ایس زنانی دے ماڑے حالات دا احساس ہے۔ زبردستی ویاہی گئی زنانیاں نوں اکثر اجہے حالات داہی سامنا کرنا پیندا ہے۔ پر قنون پاروں ساڈے کول نری ایہو گنجائشاں نے پئی اساں قرضے دے سیکے۔ اساں ایس قنون بارے مڑ غور کررہے ہاں۔ بریڈ فورڈ دی ممبر اسمبلی ناز شاہ جیہڑی آپوں زبردستی دی شادی دا شکار رہی، نے وی ایس قنون نوں اک وڈا گھاٹا اتے انسانی حقاں نال ٹکراون والا آکھیا۔ انہاں آکھیا پئی بالڑی نوں مڑ برطانیہ گھلن دی رقم دا بالڑیاں نال کوئی تعلق نہیں ہونا چاہیدا۔ اینج تے اساں آپ ہی زبردستی دی شادی دا شکار ہون والیا زنانیاں نوں مدد نہ لین دا آکھ رہے ہاں۔ اجہی پالیسی دا کوئی اخلاقی جواز نہیں۔ ساڈا ملک برطانیہ تے زبردستی دی شادی خلاف لڑن تے مان کردا ہے۔ ساڈے ایتھے قنون پاروں زبردستی شادی کروان والیاں نوں 7 سال قید ہوندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels