Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> شام پاروں روس، ایران، ترکی ملاقاتاں چنگی گل ہے۔ حل آپسی صلح وچ ہی ہے۔ چین

شام پاروں روس، ایران، ترکی ملاقاتاں چنگی گل ہے۔ حل آپسی صلح وچ ہی ہے۔ چین

وچار ڈیسک
December 29th, 2016

بیجنگ: چین دی وزارت خارجہ دی بلارن (Spokesperson) ’’ ہوا چینگ‘‘ آکھیا ہے پئی اساں قازقستان وچ شام بارے کانفرنس دے اعلان پاروں خش ہاں جس دی آگوائی روس، ایران تے ترکی کررہے نیں۔ شام وچ لڑن والے دھڑیاں وچ امن مذاکرات کرانا ہی حل ہے۔ قازقستان دے صدر وی آکھیا ہے اساں پورا بندوبست کرلیا ہے اتے روسیاں، ایرانیاں تے ترکاں نال وی سانجھا کررہے ہاں۔ چین ایہہ چاہندا ہے پئی امن مذاکرات چھیتی چھیتی شروع ہون تانجے شام وچ اندرونی چھیڑے مک سکن۔ اک نیوز ایجنسی ISNAخبر دتی ہے پئی اجہے مذاکرات وچ امریکہ، قطر تے سعودی عرب رلتی ہون لئی تیار نیں اتے انہاں وی آپدی رلت بارے دس دتا ہے۔ چیتے رہے پئی ترکی، ایران تے روس پہلاں ہی ایہہ گل کرچکے نیں پئی اساں شام وچ سمجھوتے کروان لئی کم کراں گے۔ ایہہ گل پکی ہے پئی روس نے بڑی ہشیاریاں نال ایران، ترکی نوں وی اک ٹیبل تے لیاندا ہے اتے ایس پریشر پاروں امریکہ نوں سعودی عرب تے قطر نوں ٹیبل تے لیانا پئے گیا ہے۔ چین آپدا سارا وزن روس ول پایا ہے تے گل کجھ بندی نظر آرہی ہے۔ اج سب ایس گل تے راضی نے پئی شام نوں ونڈیا نہیں جائے گا اتے شام دی خودمختاریاں وچ کوئی مداخلتاں نہیں کرے گا۔ امن مذاکرات دا مرکز یورپ توں قازقستان ول جاون نال ایہہ پتہ چلدا ہے پئی روس چین رل مل کے مڈل ایسٹ وچ آپدا کردار ودھارہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels