Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> اسرائیلی بڑکاں: سیکورٹی کونسل وچ رلتی ملکاں نال نبڑ لاواں گے۔ اوبامہ شرمناک حملہ کیتا۔ نیتن یاہو

اسرائیلی بڑکاں: سیکورٹی کونسل وچ رلتی ملکاں نال نبڑ لاواں گے۔ اوبامہ شرمناک حملہ کیتا۔ نیتن یاہو

وچار ڈیسک
December 29th, 2016

سیکورٹی کونسل وچ فلسطینی تھاواں تے آباد کاریاں کرن خلاف قرارداد منظور ہون بعدوں اسرائیل دنیا نوں تڑیاں لارہیا ہے۔ اسرائیل دے ڈپٹی فارن منسٹر آکھیا ہے پئی دنیا نوں ساڈا پتہ نہیں ہے۔ دنیا سانوں للّو نہ سمجھے۔ جس جس ملک نے سیکورٹی کونسل وچ ساڈے خلاف ووٹ دتا ہے اساں انہاں نال آپدے تعلقات نوں گھٹاواں گے۔ اساں انہاں ساریاں ملکاں وچ آپدے سفیراں نوں بلا لتا ہے اتے ہن اساں ردعمل دواں گے۔ اساں انہاں ملکاں دے اسرائیل وچ سفیراں نوں وی سدھ کے آپدا احتجاج رجسٹرڈ کروایا ہے۔ امریکہ ووٹ پاون والیاں وچ رلتی تے نہ سی پر اوس نے قرارداد نوں منظور ہون دتا سی۔ اساں امریکہ دے اسرائیل وچ لگے سفیر نوں وی کھریاں کھریاں سنائیاں نیں۔ اساں امریکہ دے نویں صدر ٹرمپ ہوراں نوں ثبوت دواں گے پئی صدر اوبامہ نے کنج ساڈے خلاف قرار داد نوں سپورٹ کیتا سی۔ اک پاسے بڑکاں تے دوجے پاسے امریکہ دی چمی وی کیتی جاری ہے۔ پچھلے ہفتہ نوں اسرائیلی وزیراعظم نیتن یاہو ہوراں آکھیا سی پئی امریکی صدر بارک اوبامہ نے ساڈے تے ایس قرارداد دے راہیں ’’شرمناک حملہ‘‘ کیتا جے۔ اقوام متحدہ وچ جو کجھ وی ہویا ایس دے مگر امریکہ ہی سی۔ امریکی سیکٹری آف سٹیٹ جان کیری ایس بارے آپدا پالیسی بیان جاری کردتا ہے۔ امریکی سرکار دا آکھنا ہے ساڈا وڈا ٹیچا ایہہ ہے پئی اسرائیل تے فلسطین دا مسئلہ ہن حل ہونا چاہیدا ہے۔ایہو اوہ گل ہے جہیری اسرائیل نوں وارا نہیں کھاندی اتے ہن انہاں دی اخیری اْمیداں ٹرمپ نال نیں۔پر جو کجھ جان کیری آکھیا ہے ٹرمپ ہوری اوس توں زیادہ پراں نہیں جان گے۔کیری ایہہ گل آکھ ہی دتی جے پئی اسرائیل نوں جمہوری یا دھرمی رستیاں وچوں اک د ی چون کرنی ہو سی۔جمہوری رستے دا مطلب ہے پئی اوہ فلسطین نوں من کے آپ وی رہے تے فلسطین نوں وی براشت کرے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels