Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> یو این ڈی پی: ہیومن ڈویلپمنٹ رپورٹنگ پاروں 2016 لئی چار ایوراڈ

یو این ڈی پی: ہیومن ڈویلپمنٹ رپورٹنگ پاروں 2016 لئی چار ایوراڈ

وچار ڈیسک
December 28th, 2016

اقوام متحدہ: ہیومن ڈویلپمنٹ رپورٹ آفس (HDRO) والیاں 2016 وچ ہیومن ڈویلپمنٹ (انسانی ترقیاں) بارے چنگی رپورٹنگ پاروں چار ایوارڈ نیویارک وچ اقوام متحدہ دے ہیڈ کوارٹر توں جاری کیتے نیں۔ یو این ڈی پی دے گدڈ وِل سفیر اتے ناروے دے ولی عہد شہزادہ ہاکون (Haakon) یو این ڈی پی دی ایڈمنسٹریٹر ہیلن کلارک اتے ’’ایچ ڈی آر او‘‘ دے سلم جہان ہوراں انہاں ایوارڈاں دا اعلان کیتا۔ جہیڑے چار رپورٹاں نوں ایوارڈ ملیا اوہ ایہہ نیں،
-1 چلی ہیومن ڈویلپمنٹ رپورٹ(2012): ڈویلپمنٹ بارے مٹر سوچنا اتے چیلنجز
-2 مانٹی نیگرو ایچ آر ڈی رپورٹ(2013): ملک دی اصل طاقتاں عوام ہوندے نیں، بھانیویں مانٹی نیگرو (کالے پہاڑاں دی دھرتی) کڈہی امیر کیوں نہ ہوجائے؟ (مانٹی نیگرو بوسنیا دے کول یورپ وچ ہے)
-3 سری لنکا ایچ آر ڈی رپورٹ (2014) : نوجوان تے ترقی، سب نوں رلاندے ہوئے بنن والے مستقبل بارے۔
-4 یوگنڈا ایچ آر ڈی رپورٹ (2014): شمالی یوگنڈا وچ ترقی دے امکاناں نوں پھرولنا۔
ایہہ رپوٹاں وڈی مثالاں نے پئی تساں کنج آپدے ملک یا خطہ بارے ہیومن ڈویلپمنٹ بارے کم نوں رپورٹ کرسکدے ہو۔
یو این ہیڈ کواٹر وچ ہون والی ایس تقریب نال گل بات چھوندے ہوئے ہیلن ہوراں آکھیا، اک چنگی رپورٹ وچ پہلی گل ایہہ ہوندی ہے پئی اوس سارے دھڑیاں ( سٹیک ہولڈراں) دی گلاں نوں شامل کرے۔ جے تساں سب دے خیالاں نوں سامنے ہی نہ لیاؤگے تاں فیر تساں ماڑیاں، نوجواناں تے زنانیاں بارے پوری گل نہیں کرسکدے۔ ایہو اوہ ’’دھرا‘‘ ہے جیہڑا تہاڈی رپورٹ نوں اصلوں ہیومن ڈویلپمنٹ دی رپورٹ بناندا ہے۔ ایہہ گلاں سٹ پاون دیاں نہیں کیونجے ساڈے ایتھے تے اک پاسے دی رپوٹاں بناون دا رواج سرکار تے غیر سرکار وچ بڑا چوکھا ہے۔ ایہہ وی لگدا ہے اساں پرتاب تے زمیندار دے پرچھانویاں ہیٹھ جوان ہوئے ہاں ۔تاں مارے ہر تھاں اساں خلافتی’’ موڈ‘‘ وچ رہندے ہاں۔ ہیومن ڈویلپمنٹ رپورٹاں بارے ایوارڈ دین دا سلسلہ 200توں شروع ہویا سی اتے ایہہ 7ویں واری ایوارڈ دتے جاون دی تقریب سی۔ ایس وچ 2012 توں 2016 وچکار آون والی رپورٹاں نوں رلتی کیتا گیا سی۔ ایس وار کل 50 ایچ ڈی آر رپورٹاں جمع ہوئیاں سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels