Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پہلی افغان لیڈی پائلٹ افغانستان چھڈن تے مجبور

پہلی افغان لیڈی پائلٹ افغانستان چھڈن تے مجبور

وچار ڈیسک
December 27th, 2016

کابل:جداں میں نکی جہی کاکی ساں تے اکثر اسماناں تے پکھیرواں نوں اْڈدا ویکھ کے آپوں اْڈن تے جی کردا سی۔۔افغانستان وچ رہن والیاں بالڑیاں تے زنانیاں حیاتی دی دوڑوچ رلت کرنا چاہندیاں نے پر افغان سوسائٹی وچ انہاں دے سفنے پورے نہیں ہوسکدے۔افغانستان وچ زنانیاں لئی ہر پاسے خوف، ڈر تے پہرے نیں۔ایہہ گلاں پہلی افغان پائلٹ نیلوفر رحمانی کیتیاں۔ جدوں اوہ پائلٹ بن رہی سی تے اوس دے بہوں سارے رشتہ دار وی ایس گل نوں نہیں جاندے سن۔ تربیتاں لین توں بعد جداں اوہ خاکی وردی وچ پہلی وار کابل ائیرپورٹ تے جہاز چلاون آئی تے بہوں سارے افغان افسراں نک مونہہ چڑھائے۔ پھیر نیلوفر نوں دھمکیاں والے خط اتے فون آون لگ پئے۔2013وچ اوہ افغان زنانیاں لئی اک مثال بن کے سامنے آئی اتے ایس توں بعد اوس نوں تے اوس دے خاندان نوں پہلاں رشتہ داراں، پھیر افسراں اتے اخیروچ طالبان توں دھمکیاں دے سلسلے شروع تھی گئے۔اوس داساتھ دین والے گھٹ اتے اوس نوں افغان کلچرتوں ڈراون والے زیادہ سن۔ بس اوس نیں امریکہ وچ رکن دا فیصلہ کر لتا تے ہن ہر افغان, حب الوطنیاں پاروں اوس نوں ’’غدار‘‘ آکھ رہیا ہے۔غدار تے اوہ افغان اشرافیہ ہے جہیڑی افغان کلچر یا اسلام دی آڑ وچ افغان بالڑیاں تے زنانیاں نوں دبائے رکھنا چاہندے نیں۔ملک دی حرمتاں سب شہریاں دے حرمتاں توں بغیر نہیں ہو سکدیاں۔افغانستان وچ ڈیفنس منسٹری دے نمیندے نیلوفر نوں غدار آکھ کے آپدا رانجھا راضی کرن داآہر کیتا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels