Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سیکورٹی کونسل:اسرائیلی قبضیاں خلاف قرارداد14تے صفر توں منطور: اوبامہ دی حمائیتاں

سیکورٹی کونسل:اسرائیلی قبضیاں خلاف قرارداد14تے صفر توں منطور: اوبامہ دی حمائیتاں

وچار ڈیسک
December 24th, 2016

نیویارک: ایہہ پہلی وار نہیں ہویا پئی نہر سویز دے جھگڑے ویلے وی جدوں امریکہ اکھاں وکھائیاں سن تاں اسرائیل کینڈے وچ آیا سی۔چیتے رکھنا پئی اْس ویلے برطانیہ تے فرانس اسرائیل نال سن۔ صدر دا حلف چکن لئی تیار ڈونلڈ ٹرمپ اتے اسرائیل نوں ایہہ پیغام ہے پئی ہن سب اچھا نہیں۔ سیکورٹی کونسل دے 15وچوں14 ممبراں قرارداد دے حق وچ ووٹ دتا اتے امریکہ ووٹنگ وچ رلتی ہی نہ ہویا۔ایہہ قرارداد اسرئیل دے فلسطینی تھاواں تے قبضیاں خلاف ہے اتے ایس نوں نیوزی لینڈ، ملائیشیا، ونیزویلا اتے سینی گال رل کے پیش کیتا ہے۔ مصر وی سیکورٹی کونسل دا ممبر ہے پر اوہ پریشر برداشت نہ کرسکیا تاں اک دیہاڑے پہلاں مصر آپدا ناں کڈلتا۔ پرجداں ووٹ پاون دا ویلا آیا تے مصردا ووٹ قرارداد دے حق وچ آون والے 14 ممبراں وچ رلتی سی۔ ٹرمپ ہوراں امریکہ نوں ویٹو کرن دا آکھیاسی پر انہاں دی گل نوں نہ منیا گیا۔ ہوسکدا ہے کجھ دانشور آکھن پئی ایہہ جاندی بار دے امریکی صدر دا آپدا غصہ ہے کیونجے اسرائیل ٹرمپ دی حمائیتاں کیتیاں سن اتے اوبامہ تے اسرائیلی وزیرعظم نیتن یاہو وچ سرد جنگ جاری رہی سی۔ پر عالمی سیاسی پدر تے ایہہ قرارداد ہمیشہ ریکارڈ دا حصہ رہ سی جیویں کشمیر دی قرارداد اج وی اقوام متحدہ دے ریکارڈ دا حصہ ہے۔ قرار داد وچ آکھیا گیا ہے پئی اسرائیل مشرقی بیت المقدس (یروشلیم) سمیت تمام قابض فلسطینی تھاواں تے آباد کاریاں بندکرے کیونجے اس کول کوئی قنونی جواز نہیں ہے اتے ایہہ عالمی قنوناں دی خلاف ورزیاں نیں۔
اینج سیکورٹی کونسل نے مغربی بینک، غزہ اتے مشرقی بیت المقدس نوں فلسطینی تھاواں من لتا ہے۔ قرارداد بعدوں اسرائیل نوں کہنا پئے گیا ہے پئی فلسطینی ریاست لئی مذکرات بعد ہی کوئی اخیری فیصلہ ہوسکدا ہے۔پر فرانس24دے مطابق نیتن یاہو دے دفتر توں ایس قراردادنوں اینٹی اسرائیل آکھیا گیا ہے اتے صدر اوبامہ نوں ایس دا ذمہ دارقرار دتا۔ایس بیان وچ وی ایہہ گل من لتی گئی ہے پئی ایس قراداد دا مستقبل دی سیاست تے اثر پئے گا تاں مارے اسرائیل نوں لابنگ کرنی ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels