Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ترکی تے جرمنی وچ حملے: میں صیح ثابت ہویا۔ ڈونلڈ ٹرمپ دی منطق

ترکی تے جرمنی وچ حملے: میں صیح ثابت ہویا۔ ڈونلڈ ٹرمپ دی منطق

December 22nd, 2016

’’جو ہورہیا ہے اوہ بڑا خوفناک جے‘‘،رپورٹراں نال جرمنی دے ٹرک حملے اتے ترکی وچ روسی سفیر دے قتل بارے چکے سوالاں دا جواب دیندے ہوئے ٹرمپ آکھیا۔ انہاں نوں سوال کیتا گیا کہ جو کجھ تساں امریکہ آون والے مسلماناں بارے آکھدے رہے ہو اس تے ہن مڑ جھات پاؤ گے۔ ایس دے جواب وچ ٹرمپ آکھیا ’’تہانوں میرے منصوبیاں بارے پتہ ہے۔ میں تے صیح ثابت ہویا ہاں۔ سو فیصدی، جو ہورہیا ہے اوہ شرمناک جے‘‘
ٹرمپ ایہہ تے آکھدے نے پئی جرمنی وچ دولت اسلامیہ والیاں حملہ کیتا پر اوہ روسی سفیر دے قتل نوں کس تے پاون گے؟وڈی گل تے ایہہ ہے پئی اوہناں ’’ای میلاں‘‘ دی چوری وچ ملوث امریکی خفیہ اداریاں دے اہلکاراں خلاف اک لفظ وی نہیں بولیا۔اج امریکہ تے یورپ وچ انتہا پسندیاں وادھونیں اتے ہر کوئی ایس نوں ویکھ رہیا ہے۔ذرا سوچو تے ذرا،پورپ تے امریکہ دے سارے انتہا پسند ٹرمپ دے حمائیتی نیں بھانویں اوہ لی پن ہوئے یا Broxit دے مامے ۔ہن تے روس نے اسلحہ دے وڈے عالمی ڈیلر ویکٹر باؤٹ نو وی منگ لتا ہے جیہڑا اج کل امریکی جیل وچ ہے اتے ٹرمپ دے حلف چکن دے ویلے نوں بڑی بے چینیاں نال اڈیک رہیا ہے۔
ماسکو نیوز خبر دتی ہے پئی باؤٹ امریکی سپریم کورٹ وچ مڑ اپیل کرے گا کیونجے اس نے پہلاں توں ٹرمپ نوں اپیل وی کر رکھی ہے کہ اس نوں سیاسی مقدمیاں توں کڈھیا جائے۔ ٹرمپ تے ایس ماملے وچ وی دروٹی رکھے گا۔ ٹرمپ دھرمی ونڈ تے اُنج ہی یقین رکھدا ہے جنج جارج بش۔چیتے رہے پئی نکے بش نے’’ ات گردی مخالف جنگ‘‘ نوں صلیبی جنگاں‘‘ آکھیا سی۔ ہن ٹرمپ نے وی پیر نوں ایہہ بیان دتا کہ عالمی جہاد کرن والے مسیحاں نوں مار رہے نیں۔ات گردی خلاف جنگ نوں دھرمی ونڈ دی نظراں نالویکھنا اک کوڑ کم ہے اتے ٹرمپ وی ایہہ کوڑ کم کر رہیا ہے۔ ویلہ دس رہیا ہے پئی ٹرمپ نہیں سگوں امریکہ وچ ٹرمپ دی مخالفت کرن والے ’’صیح‘‘ سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels