Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت نوں صدارتی بندوبست دی لوڑ جے..........۔ سبرا مینیم،سابق کیبنیٹ سیکٹری

بھارت نوں صدارتی بندوبست دی لوڑ جے..........۔ سبرا مینیم،سابق کیبنیٹ سیکٹری

وچار ڈیسک
December 19th, 2016

دلی: ٹی ایس آر سبرا مینیم اک زمانے وچ چین خلاف بھارت نوں فرنٹ لائن ریاست بناون دا خواب ویکھدے سن اتے اج کل اوہ بھارتیاں نوں صدارتی بندوبست نوں اپناون دا درس دے رہے نیں۔ انہاں آکھیا ہے پارلیمنٹ اک نواں آئینی کمیشن بنائے جیہڑا صدارتی نظام دی نیہاں رکھے اتے پارلیمنٹ نوں بحثاں دے کلب دی تھاں کم کرن والا ادارہ بنائے۔ پاکستان وچ وی امریکہ نال یاریاں توں بعد ایہو کجھ ہویا سی۔ نیوز ایجنسی اے این آئی نال گل کردے ہوئے سبرا مینیم ہوراں آکھیا ’’آئین وچ بنیادی ترمیماں ہونیاں لوڑی دیاں نیں جس پاروں پارلیمنٹ اک مشاورتی ادارہ ہوئے....دس ممبر اسمبلی رل کے پورا سسٹم تباہ کر دیندے نیں اتے ایہہ اوہ وطیرہ ہے جس نال اساں پارلیمنٹ چلا رہے ہاں..... پچھلے 70 سالاں وچ عدالتاں تے انتظامیہ آپدا کردار ادا کیتا سی پر پارلیمنٹ نے گورنینس پاروں کجھ نہیں کیتا.....عملی طور تے ساڈے ایتھے پارلیمانی جمہوریت نہیں سگوں صدارتی بندوبست ہی چل رہیا ہے۔ ہر صوبے وچ وی صدارتی نظام ہی ہے۔ سانوں اس سب تے مڑ جھات پانی چاہیدی ہے‘‘۔
سبرا مینیم ہوراں نوں پنڈی دے شیخ رشید نال رابطہ کرنا چاہیدا ہے۔ جے ایس بیان نوں بغیر ناں دے پاکستان وچ چھاپیا جائے تاں کوئی پچھان نہیں سکدا پئی ایہہ حمید گل دا بیان ہے یا سبرا مینیم دا۔ دنیا تے سب توں وڈی جمہوریت 70 سال بعد ایہہ سبق دتا ہے یا فیر بابو بابو ہی ہوندا ہے۔ لگدا ہے مودی سرکار کولوں جدوں کجھ نہ ہوسکے گا تے فیر اجہیاں حرکتاں اس نوں وارا کھان گیاں۔ ہوسکدا ہے سبرا مینیم ورگے کل کلاں نوں چینی کمیونسٹ پارٹی دے نظام دے وی حمائیتی بن جاون۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels