Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بدلدا ایران:مسلماناں وچ پاڑ دی تھاں سانجھ ودھاؤ۔حمیرہ ریگی،پہلی سنّی خاتون گورنر

بدلدا ایران:مسلماناں وچ پاڑ دی تھاں سانجھ ودھاؤ۔حمیرہ ریگی،پہلی سنّی خاتون گورنر

وچار ڈیسک
December 19th, 2016

سیستان،بلوچستان:قصر قنددی خاتون گورنر حمیرہ ریگی1979توں بعد ایہہ عہدہ سنبھالن والی پہلی سنّی زنانی ہے اتے انہاں دا بیان تہران نیوز نے چھاپیا ہے۔سنّی جشن میلاد النبّیؐ اسلامی مہینہ ربیع الاوّل بارہ تریخ نوں مناندے نیں تے ایرانی سرکار سترہ تریخ نوں۔ پر ایس وار ایرانی سرکار نیں جشن میلاد النبّیؐ نوں پورا ہفتہ مناون دا اعلان کیتااتے تمام تقریباں پورے ہفتہ جاری رہیاں۔ اجہی اک تقریب وچ گل بات کردیاں خاتون گورنرمسلماناں وچ اختلافی گلاں دی تھاں سانجھ ودھاون تے زور دتا۔ہفتہ سانجھ بارے گل کردے ہوئے تہران نیوز نوں دتے انٹرویو وچ 41سالہ حمیرہ ہوراں آکھیا پئی اجہی کاوشاں نال اساں مسلم مکتبیاں(فرقیاں) وچ پاڑ نوں گھٹا سکدے ہاں۔تہران نیوز ایہہ وی دسیا پئی قصرقند وچ 60ہزار لوک رہندے نیں ات انہاں چوں نرے 200اہل تشیع نیں پر پورے ایران وچ ہفتہ سانجھ پاروں ایس وار سب اک صفحہ تے سن۔سیستان و بلوچستان ایران دا اک پچھڑا ہویا سرحدی صوبہ ہے جس دا بارڈر پاکستان تے افغانستان نال جڑداہے۔لوکاں دی ودی گنتری بلوچ زبان بولدی ہے۔ قصر قند ایس دا اک شہر ہے۔حمیرہ ہوراں داگورنر بننا اک توں وادھو حوالیاں نال اہمیتاں رکھدا ہے پئی اک دور دواڈے دی تھاں تے زنانی دا آگو بننا اتے اوہ وی اک قبائلی سماج وچ بہوں وڈی گل جے۔ایہو گل حمیرہ ہوراں آپدے انٹرویو وچ آکھی وی۔پچھلے تن سالاں وچ اس تھان تے بہوں تبدیلیاں آئیاں نیں۔ تن سال پہلے جداں میں گورنر بنی ساں تے میں سپورٹس مقابلیاں وچ رلتی ہوں والی اکلی زنانی ساں پر اج اک ودی گنتری وچ زنانیاں سپورٹس مقابلیاں وچ رلت کر دیاں نیں۔اج ایس شہر وچ تہانوں آرٹسٹاں، شاعراں سنّے ہر شعبہ وچ کڑیاں ملن گیاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels