Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بے سہارا اتے بے وطنے بچے اک لکھ توں وادھو۔یونیسف

بے سہارا اتے بے وطنے بچے اک لکھ توں وادھو۔یونیسف

وچار ڈیسک
December 17th, 2016

اقوام متحدہ: یونیسف اوہ ادارہ ہے جس نوں یونائٹیڈنیشن چلڈرن فنڈ (Unicef) آکھدے نیں انہاں2015دی رپورٹ وچ دسیا ہے پئی پوری دنیا وچ اک لکھ توں وادھو بچے اوہ نیں جیہڑے بے وطنے وی نیں اتے بے سہارا وی۔ ایہو نہیں سگوں انہاں وچوں 10ہزار اوہ نیں جیہڑے پچھلے سال یورپ آئے اتے بعد وچوں گواچ گوچ (Missing) گئے سن اتے انہاں دا کجھ پتہ ہی نہیں۔ ایہہ انکشاف یوروپال(Europol) نامی ادارے کیتا ہے جیہڑا یورپ وچ ات گردیاں تے جرائم خلاف کم کررہیا ہے۔ اس دا ہیڈ کواٹر ہیگ (نیدر لینڈ) وچ ہے۔ یونیسف دا آکھنا ہے پئی بے سہارا تے بے وطنے بچیاں دے حفاظتی بندوبست وچ بہوں گھاٹے نیں۔ انہاں بچیاں نال جنسی زیادتیاں وی ہوندیاں نیں اتے انہاں نوں مختلف گروہ زبردستی بھرتی وی کر لیندے نیں۔ اجہے بچیاں نوں بہوں سارے ملکاں وچ باڈر سکیورٹی والے دھر لیندے نیں۔ زیادہ ترکیساں وچ اجہے بچیاں نوں دوجے ملک سیاسی پناہ وی نہیں دیندے۔ یورپی یونین آکھیا ہے پئی بے آسرا تے بے وطنے بچیاں لئی سانوں سب نوں کم کرن اہوسی۔ جے یورپ وچ ایہہ صورتحال ہے تاں فیر ساڈے جہے ملکاں دا کیہ حال ہوسی؟ ایہہ سوچ کہ ہی ڈر لگدا ہے۔ ذرا سوچو ساڈے ایتھے وی بے آسرا تے بے وطنے بچیاں دی گنتریاں افغان مہاجرین بعدوں وادھو ہو چکیاں نیں۔ ات گرد گروپاں والے انہاں نوں کتھے کتھے ورتدے ہون گے۔ ایس بارے تے ساڈے ایتھے تے کوئی سٹڈی ہی نہیں۔ جتھے جنگاں ہوندیاں نیں، ماردھاڑ ودھ جاندی ہے اتھے اجہے بچیاں دی گنتری ودھ جاندی ہے۔ عراق، افغانستان تے اج کل شام ایس دی وڈی مثلاں نیں۔ ایہہ سب بارے اج سانوں غور کرنا لوڑی داہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels