Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> صحافیاں دی گرفتاریاں:ترکی پہلے نمبر تے، چین تے ایران وچ حالات بہتر۔2016دی رپورٹ

صحافیاں دی گرفتاریاں:ترکی پہلے نمبر تے، چین تے ایران وچ حالات بہتر۔2016دی رپورٹ

وچار ڈیسک
December 13th, 2016

جرنلسٹاں نوں تحفظ دین والی عالمی کمیٹی سی پی جے آپدی دسمبر 2016 والی رپورٹ نیویارک توں شائع کردتی ہے۔ ایس دے مطابق 259 جرنلسٹ ایس سال گرفتار ہوئے اتے انہاں وچوں 81 صحافی نرے ترکی وچ پھڑے گئے۔ ایہہ کمیٹی 1990 توں ہر سال آپدی رپورٹ چھاپدی پئی ہے۔ 2014 تے 2015 تیک صحافیاں نوں دھرن وچ چین دا نمبر سب توں اُچا سی پر ہن 2016 وچ ایس وچ تیزی نال گھاٹے ہوئے نیں جہیڑا چنگا شگون جے۔ پر اج وی چین وچ38 صحافی گرفتار نیں اتے ایہہ دوجے نمبر تے ہے۔ ایس توں بعد مصر اریٹیریاتے ایتھوپیا دا نمبر آندا ہے۔ 2008 توں کمیٹی دی آون والیاں رپورٹاں وچ پہلے 5 بھیڑے ملکاں وچ ایران ہمش رلتی ہوندا سی پر2016 وچ چین وانگ ایران وچ وی گھٹ صحافی دھرے گئے نیں۔چین ایران وانگ ترکی نوں وی آپدی روشاں بدلنیاں ہون گیاں۔حیران نہ ہونا،انہاں رپورٹاں وچ کدی وی امریکہ دا ناں شامل نہیں ہوندا سی پر ایس سال امریکہ وچ وی 4 صحافیاں نوں گرفتار کیتا گیا ہے۔ہلے تے ٹرمپ ہوراں حلف وی نہیں چکیا۔چیتے رہے پئی ایس لسٹ وچ انہاں صحافیاں دا ناں رلتی نہیں جیہڑے ریاست یا غیر ریاستی عناصر غیب کر چھڈے نیں۔ آئی پی جے والیاں دا آکھنا ہے پئی صحافی اک پبلک سروس کردے نیں اتے انہاں نوں تحفظ دینا ساڈا سب دا فرض ہے۔ انہاں ایہہ وی دسیا پئی ایس لسٹ توں علاوہ 40 صحافی اوہ نیں جہناں نوں مڈل ایسٹ تے شمالی افریقہ وچ غیب کیتا گیا ہے۔ پتہ نہیں لسٹ بناون والیاں نیں اُس فرانسیسی صحافی دا ناں لکھیا ہے جس نوں لکسمبرگ لیکس پاروں لکسمبرگ دی عدالت سزا سنائی سی اتے اوہ جیل وچ ہی ہے۔
یاد رہے ایس لسٹ وچ اوہ صحافی رلتی نہیں جنہاں نوں یکم جنوری2016 توں دسمبر2016 دے درمیان گرفتارتے کیتا گیا سی پر یکم دسمبر توں پہلاں چھڈ دتا گیاسی۔ ایہہ رپورٹ بناون وچ اک وڈا گھاٹا ہے اتے ملکاں لئی پیغام وی کہ تساں جے صحافیاں نوں دھرنا ہے تے دو جنوری توں 30نومبر وچکار پھڑ کے سبق سکھا سکدے ہو اتے اینج تہاڈا ناں رپورٹ وچ نہ آسی۔رپورٹ دی سب توں خوفناک گل ایہہ ہے پئی کل259 جرنلسٹاں وچوں75 فیصدی صحافیاں نوں غداریاں دے الزاماں دا سامنا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels