Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برطانوی وزیراعظم داایران مخالف بیان: شدید ردعمل، سفیر طلب تے جوابی حملے

برطانوی وزیراعظم داایران مخالف بیان: شدید ردعمل، سفیر طلب تے جوابی حملے

وچار ڈیسک
December 13th, 2016

تہران:کچھ دن پہلاں برطانوی وزیراعظم ایہہ بیان دتا سی پئی ایران خطہ وچ بڑا وڈا خطرہ جے۔ اگلے دن ایران وچ برطانیہ دے سفیر نوں طلب کیتا گیا اتے اس نوں ایرانی لوکاں تے حکومت دے ردعمل بارے دسیا گیا۔مختلف لیڈراں وی بیان دتے۔ایرانی عدلیہ دے چیف آیت اللہ صادق امولی لاری جانی ہوراںآکھیا برطانیہ یمن وچ بدامنی پھیلاون دا ذمہ دار جے۔برطانوی وزیراعظم تھریسا مئے دے بیان نوں رگیدے ہوئے اوہناں آکھیا پئی جیہڑا ملک آپوں ہزاراں میل توں خلیج فارس وچ فوجی اڈے بناون آندا ہے اوہ اج سانوں خطہ لئی خطرہ کنج آکھ سکدا ہے۔فارن پالیسی دے سنیئر مشیر علی اکبر ولائیتی آکھیا پئی برطانوی وزیراعظم دے بیان دی کوئی سیاسی اہمیتاں نہیں۔ایرانی پارلیمان دے نیشنل سیکورٹی تے فارن پالیسی کمیشن دے چیرمین آکھیا کہ اساں برطانیہ نال آپدے سفارتی تعلقاں نوں مکاون بارے وی سوچ رہے ہاں۔نومبر2011 وچ وی دوناں ملکاں دے تعلقات بڑے خراب ہو گئے سن اتے ایران نے برطانیہ دے سفیر نوں آپدے ملک چوں کڈ دتا سی۔2015وچ ایہہ تعلقات مڑ ٹھیک ہوئے اتے ہن پھیر کم خراب جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels