Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> رب راکھا: میرے ناں تے سڑکاں یا عمارتاں دے ناں نہ رکھنا۔کاسترو انقلابی ریت نہ بھلیا

رب راکھا: میرے ناں تے سڑکاں یا عمارتاں دے ناں نہ رکھنا۔کاسترو انقلابی ریت نہ بھلیا

وچار ڈیسک
December 4th, 2016

کیوبا: میرے ناں تے نہ تے سڑکاں یا عمارتاں دے ناں رکھنا نہ ہی میرا کوئی مجسمہ بنانا۔ دلاں وچ وسن والیاں نوں کون مار سکیا ہے اج تیک بھلا۔ کاسترو دی وصیتاں،کاسترو وانگ انقلابی ریت دا لشکارہ۔ پچھلے اک ہفتہ توں کیوبا والے سڑکاں تے پر بی بی سی تے سی این این کجھ ہور دکھاون، اتے اج دنیا بھر وچ لوکاں کاسترو دی اخیری رسماں شوق نال ویکھیاں۔
اس دی راکھاں نوں کیوبا دے مرکزی شہر ہوانا توں سینٹیاگو لیجایا گیا پئی ایہہ کیوبا دا لینن گراڈ جے جتھے اج توں57ورھے پہلاں بغیر کسے فارن ایڈاں دے کاسترو، چی گویرا اتے کامریڈاں انقلاب کیتا سی۔ایہہ نرا اک حکمران دا جنازہ نہیں سی جہیڑا 50سال حکومتاں کیتیاں۔جس طرح لوک شہر شہر، پنڈ،پنڈ آپدے لیڈر نوں رب راکھا آکھن آئے سن اوہ اس دی پاپرلیرٹی دا چوکھا ثبوت۔
ٖفٹ بال دی دنیا دا ہیرو وی آپدے ہیرو لئی حاضر، آکھیا ’’دنیا اج ہک وڈے لیڈر توں وانجھی ہو گئی۔اوس نوں آپدے لوکاں دی بہوں فکراں سن۔ اساں اکثر فٹ بال بارے ساری ساری رات گلاں کردے رہندے تے سویرے میں تے لمّی نیندر لیندا پر کاسترو دو، ترے گھنٹیاں بعدوں دفتر بیٹھا ہوندا۔ جے کوئی ٹی وی ، سوشل میڈیا ویکھن والیان تے ماتمی جلوس وچ رلتی لوکاں دی گنتری کرے تاں ساچے کسے راک فیلر دے مرن تے ایڈا رش ہو سکدا ہے۔ برازیل، بولیویا، کانگو، ایکواڈور اتے اینزویلہ توں وڈے وڈے لیڈر آئے پئی اوہ لاطینی امریکہ دا مان سی۔چی گویرا دے مقبرے باہر بیٹھے اکبندے آکھیا’’اساں سب کاسترو ہاں‘‘۔اک بینر تے لکھیا سی ’’کل دا باغی تے ہمیش لئی ہیرو‘‘
جنہاں نوآبادیات راہیں ظلماں تے پہاڑ توڑے، ایٹم بم ڈگائے، دھرماں تے فرقیاں نال لوکاں نوں مروایا، تباہیاں پھیلاون والے وڈے ہتھیاراں بہانے عراق برباد کیتا، اوہ جے کاسترو نوں آمر آکھن تے ایہہ جھوٹ کون منے گا۔اوہ فرشتہ نہیں سی، بندہ بشر ہی سی پر جے لوکی اس دے خلاف ہوندے تاں ایہہ ہجوم وی نہ ہوندا۔دنیا وچ جد وی مقامی طاقتاں نال انقلاباں بارے گل ہوئے گی تے کاسترو دی رلت نال ہی اجہی لکھت توڑ چڑھے گی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels