Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> داعش نے ویٹی کن سٹی اُتے اپنا جھنڈا گڈ دِتا

داعش نے ویٹی کن سٹی اُتے اپنا جھنڈا گڈ دِتا

وچار ڈیسک
October 17th, 2014

عراق تے شام دے مختلف علاقیاں نوں اپنی نگرانی ہیٹھ لیا کے اوتھے خود ساختہ خلافت دا اعلان کرن والی تنظیم داعش ولوں یزیدی سوانیاں تے بچیاں نوں اپنے جنگجوواں وچ مال غنیمت دے طور اُتے ونڈن اُتے دنیا بھر وچ نندیا جاون دا سلسلہ جاری اے۔ پر دابق نامی رسالے جیہدے وچ داعش نے جدید دور دی غلامی دے احیاء اُتے فخر دا وکھالا کیتا اے عرب ٹی وی مطابق انگریزی زبان وچ داعش دی نظریاتی اساس تے طریقہ کار دا پرچار کرن والے ترجمان رسالے دابق دے ٹائٹل اتے ویٹی کن سٹی دی اک تصویر شائع کیتی گئی اے جیہدے وچ فوٹو شاپ تکنیک ورتدے ہوئے تنظیم دا کالے رنگ دا جھنڈا ویٹی کن دے سینٹ پیٹرک سکوائر اُتے لہراندا وکھایا گیا اے تے ایس دے ہیٹھاں ناکام صلیبی دا سرناواں دتا گیا اے۔ رسالے دے اندر داعش دے ترجمان محمد العدنانی دا اک پرانا بیان وی چھاپیا گیا اے جیہدے وچ اوہناں روم فتح کرن دا اعلان کردے ہوئے مسیحی صلیت توڑن تے عیسائی سوانیاں نوں کنیزاں بناون دی دھمکی دتی سی۔ بقول محمد العدنانی جے اسیں اپنے دور وچ ایہہ کم نہ کر سکے تے ساڈیاں نسلاں ایہہ کم ضرور کرن گیاں۔ یاد رہوے کہ داعش دے اپنے ولوں بنے خلیفہ ابوبکر البغداد دی تنظیم دا ناں دولت اسلامی عراق تے شام توں دولت اسلامی رکھے جاون دے موقعے اُتے اپنے خطاب وچ روم نوں نشانہ بناون دی دھمکی دے چکے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels