Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> دلت وزیراعلیٰ دی پوجا بعد مندر دی دُھلائی

دلت وزیراعلیٰ دی پوجا بعد مندر دی دُھلائی

شکیل اختر ، بی بی سی
September 30th, 2014


بھارتی ریات بہار دے وزیراعلیٰ جیتن رام مانجھی نے الزام لایا اے کہ ریاست دے اک مندر وچ ایہناں دی پوجا دے بعد ایس مندر نوں دھو دتا گیا سی۔
جیتن رام مانجھی دا تعلق دلت برادری نال اے جیہنوں سماج دے ذات پات دے نظام وچ سبھ توں تھلڑی ذات منیا جاندا اے۔
وزیراعلیٰ مانجھی نے اک تقریب وچ ایس واقعے دا ذکر کردے ہوئے کہیا کہ اک مہینے پہلے ضمنی چوناں دی مہم دوران اوہ برہمناں دی اکثریت والے تھرہی پنڈ گئے سن جتھے اوہناں نے پرمیشوری مندر وچ پوجا کیتی۔
اوہناں نے دسیاکہ ایہناں دی کابینہ دے وزیر رام لکھن رمن نے ایہناں نوں دسیا کہ ایہناں دے دورے بعد پجاریاں نے پورے مندر تے مورتیاں نوں پوتر پانی نال دھو کے صاف کر دتا سی۔
وزیراعلیٰ نے دسیا کہ میں اوتھے کسے دی درخواست تے گیا سی، اوہ لوگ جیہڑا اپن اکم کروان لئی (احترام نال) میرے پیر چھوہن لئی ہتھ بنھ کے کھلوتے ہوندے نیں اوہ میرے لئی ایس طرح دے جذبات رکھدے نیں۔
ایس واقعے دی اطلاع ملن دے بعد مانجھی نے کوئی رپورٹ نہیں درج کروائی۔ پُلس نے وی ہلے اپنی مرضی نال کوئی رپورٹ درج نہیں کیتی۔
رام لکھن ہوراں دسیا کہ جیہدی پوجا دی گل وزیراعلیٰ دی اے ایس ویلے میں ایہناں نوں دسیا میں اوتھے موجود نہیں سی۔ پر اوہناں دے علاقے وچ ایہو جیہے واقعات ہوندے رہندے نیں۔
جیتن رام مانجھی دا تعلق دلت ذات وچ وی سب توں تھلڑے طبقے نال اے۔ ایس ذات دے لوک بہار دے غریب ترین لوکاں وچ گنے جاندے نیں۔ معاشرتی طور تے اوہناں نوں زبردست تفریق تے اکثر ذلتاں دا ساہمنا کرنا پیندا اے۔
حال وچ ای وزیر اعلیٰ مانجھی لنڈن اسکول آف اکنامکس دی دعوت تے برطانیہ وی گئے سن۔ اوس ویلے ایہناں دی ذات نوں نشانہ بنا کے سوشل میڈیا تر ایہناں بارے چوکھیاں مندیاں پوسٹاں وی کیتیاں گئیاں۔
بھارت وچ ذات پات دے ورتاوے خلاف بڑے سخت قانون موجود نیں۔ پر معاشرے وچ ذات پات دا نظام ہُن تک موجود اے تے سماجی زندگی وچ انسانی رشتیاں نوں مندی صورت حال اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels