Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پشتو شاعری اُتے ’’دہشت گردی ‘‘ دا اثر

پشتو شاعری اُتے ’’دہشت گردی ‘‘ دا اثر

Wichaar Desk
August 5th, 2014
5 / 5 (1 Votes)

پشتو شاعرحضرات اپنی شاعر رائیں دنیا وچ امن تے معاشرے وچ چنگی سماجی تبدیلیاں لیاون لئی انتھک کوششاں وچ رُجھے نیں۔
ماضی وچ شعراء کرام رومانوی موضوعاں تے ہور سماجی مسئلیاں تے شعر و شاعری کردے سن پر ہُن دہشت گردی دی نہ ختم ہوون والی لہر نے ادبی میدان نوں وی کافی حدتک بدل کے رکھ دتا اے۔
ہُن شعر و شاعری دی ایسی کتاب شاید گھٹ ای ملے گی جیہدے وچ بمب دھماکے تے خود کش حملیاں راہیں ہوون والے بے گناہ تے معصوم افراد دے قتلام داذکر نہ ہووے۔
دسیا جاندا اے کہ خیبر پختونخواہ وچ چھوٹیاں وڈیاں 500 دے لگ بھگ ادب تنظیمیاں ہین جیہڑیاں وکھو وکھ موقعیاں تے امن دے موضوع تے مشاعریاں دا پربندھ کردیاں نیں۔
پشتو شاعری دا مرکز تصور کیتے جاون والے خیبر پختونخواہ تے قبائلی علاقیاں دے شاعر حضرات امن تے محبت دا سنیہا دیون دی کوشش کر رہے نیں جیہدامقصد دنیا نوں ایہہ دسنا اے کہ پشتون امن پسند قوم اے اوہ ہر قسم دے تشدد دینندیا کر دی اے۔
سوات دے مشہور شاعر شوکت خزاں کہندے نیں ملک تے خصوصا خیبر پختونخواہ وچ دہشت گردی دا اک نہ ختم ہوون والا سلسلہ جاری اے جیہدے توں چوکھا نقصان ہو رہیا اے تے دنیا وچ جس طرحاں پشتوناں تے دہشت گردی دی جو مہر لگی اے اوہ اپنیاں ادبی تخلیقاں راہیں ایہنوں مٹاون دی کوشش کر رہے نیں۔
پشتو شاعری دا ذور رکھن والے رفیع اللہ دا کہنا اے کہ اج سانوں جس صورت حال دا ساہمنا اے اوہ نفرت دی پیداوا اے۔ پشتو شاعری وچ امن تے محبت دے اُچے نظریاں نوں ای اپنا کے اسیں اپنی دھرتی تے امن قائم کر سکد ے آں۔
مینگورہ دی رہائشی خاتون زینب بی بی نے دسیا کہ عسکریت پسندی دے دوران سوانیاں زیادہ متاثر ہوندیاں نیں تے ایہناں دے گھراں توں نکلن تے پابندی وی اے جد کہ ایہناں دے سکولاں نوں بمباں نال تباہ کیتا گیا۔
ایہناں موجب پشتو شعراء دہشت گرد کارروائیاں تے جس طرحاں لعن طعن کردے نیں تے جس ڈھنگ نال امن تے محبت دا پرچار کر دے نیں اوہ مان جوگ اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels