Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> مینوں منو! ’خلیفہ ابراہیم‘ دا مسلماناں نوں حکم

مینوں منو! ’خلیفہ ابراہیم‘ دا مسلماناں نوں حکم

وچار ڈیسک
July 8th, 2014

شدت پسنداں دی تنظیم آئی ایس آئی دے آپے ای بنے خلیفہ ابوبکر البغدادی نے مسلماناں نوں حکم دتا اے کہ اوہ میری اطاعت کرن، مینوں منن۔ اوہناں ایہہ گل اکوویڈیو سنیہے راہیں کہی اے ایس ویڈیو وچ کالے کپڑے پائے اک بندہ موصل دی النور مسجد وچ جمعے دا خطبہ دے رہیا اے جیہدے بارے کہیا جا رہیا اے کہ اوہ ابوبکر البغدادی اے۔
ایس موقع تے ایہنے کہیا اے کہ میں ولی آں ایس لئی میں تہاڈی اگوائی کراں گا، حالانکہ میں تہاڈے توں چنگا نہیں جے جے تہانوں لگدا ا ے کہ میں ٹھیک رستے تے اں تے میرا ساتھ دیو۔‘‘
ایہنے ہور کہیا ’’جے تہانوں لگدا اے کہ میں غلط آں تے مینوں دسو تے میری اصلاح کرو تے میری اطاعت کرو جسراں میں رب دا تابع آں۔‘‘
بغدادی دے اسلامت اسٹیٹ (آئی ایس) گروہ نے لڑائی دا گھیر عراق دی راجدھانی بغداد دے شمال توں مغرب وچ پنجاں صوبیاں تک کھلار دتا اے۔ ایس گروہ نے پچھلے مہینے موصل تے وی قبضہ کیتا سی
آئی ایس ائی دی کارروائیاں نے عالمی لیڈاں نوں تشویش وچ پا دتا اے ۔ جد کہ ہزاراں لوکاں اپنے گھراں نوں چھڈن تے مجبورنیں۔ ایہدے نال عراق دے وزیراعظم نوری المالکی تے وی بھار ودھ رہیا اے۔
آئی ایس آئی نے اُنتی جون نوں ’خلافت‘ دا اعلان کیتا سی۔ جیہدے بعد بغدادی نوں خلفیہ ابراہیم دا نام دتا گیا۔ویروے موجب اسلام پسند تحریکاں دے اک ماہر ایمن التیمی دا کہنا اے کہ ہفتے نوں ساہمنے آون والی ویڈجو وچ بغدادی پہلی واری باقاعدہ طور تے سامنے آیا اے۔ اوہناں دا ایہہ گل وی کیتی کہ 2008 وچ اوہ کسے ہور ناں نال اک ویڈیو وچ نظر آیا سی۔
وچار کیتا جاندا اے کہ بغدادی 1971 وچ عراق دے شہر سمارہ وچ پیدا ہویا سی۔ ایہنے 2003ء وچ عراق تے امریکا دے حملے دے بعد شدت پسندی دا راہ پھڑ لیا سی۔
اوہ امریکا دی اک عسکری جیل وچ قید وی رہ چکیا اے۔ بعد وچ اوہ اک شدت پسند گروہ دا آگو بن گیا جیہدے نال دہشت گرد تے القاعدہ نال میل ہو یا تے ایہدے اسلامی ریاست برائے عراق دے ناں نال جانیا جاون لگا۔
اوس ویلے ایس گروپ ولوں زیادہ دھیان نہیں دتیا گیا پر بغدادی نے ایہنوں دنیا دے دھیان دا مرکز بنایا۔ پچھلے ورھے ایس گروہ دا گھیر شام تک کھلر گیا جیہڑے صدر بشار السد نوں کرسی توں بے دخل کرن لئی جاری لڑائی وچ اک اہم کردار بن گیا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels