Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> دنیا دے مسلماناں نوں ’اسلامی ریاست‘ بناون دی اپیل

دنیا دے مسلماناں نوں ’اسلامی ریاست‘ بناون دی اپیل

وچار ڈیسک
July 3rd, 2014

جہادی لڑاکے گروپ دولت اسلامی عراق تے شام (داعش یا آئی ایس آئی ایس)دے آگواں نے اک آڈیوسنیہے وچ دنیا بھر دے مسلماناں نوں عراق تے شام نوں ہجرت کر کے اسلامی ریاست دی بناون لئی تعاون دی اپیل کیتی اے۔
داعش دے خلیفہ ابو بکر البغدادی نے مسلماناں نوں اسلامی مملکت ول ہجرت دی دعوت دتی تے کہیا کہ ایہہ ساڈے تے فرض اے
اوہناں خاص طور تے ججاں، ڈاکٹراں، انجینئراں، فوجیاں تے انتظامی معاملیاں وچ مہارت رکھن والیاں نوں اپیل کیتی اے۔
داعش دا کہنا اے کہ اوہ شام تے عراق وچ اپنے کنٹرول والے علاقیاں وچ اک اسلامی مملکت یا خلافت اسلامیہ بنا رہی اے۔
منگل نوں جاری ہوون والے اک آڈیو سنیہے وچ ابو بکر البغدادی نے کہیا کہ مسلمانو! اپنی مملکت ول آؤ ۔ یقیناًایہہ تہاڈی ریاست اے۔ اگے ودھو کیونجے شام صرف شام دے لوکاں دے نہیں تے عراق صرف عراقیاں لئی نہیں اے۔
بغدادی نے ہور کہیا کہ سارے ملکاں دے مسلمان جیہڑے اسلامی ریاست لئی ہجرت کرن دے قابل نیں اوہناں نوں ہجرت کرنی چاہید اے کیونجے اسلامی دھرتی ول ہجرت کرنا فرض اے۔
اوہناں نے ایس توں پہلاں رمضان دے مہینے وچ لڑاکیاں نال جنگ وچ تیزی لیاون دی گل کہی سی۔
19 منٹ دے ایس آڈیو سنینے وچ کہیا گیا اے کہ رمضان دے پاک مہینے وچ اللہ دے رستے وچ جہاد توں چنگا کوئی ہور کم نہیں اے ایس لئی ایس موقع توں فائدہ چکو تے اپنے وڈکیاں دے رستے تے ٹُرو۔
اپنے سنیہے وچ اوہنا ں نے سینٹرل افریقی ملکاں توں لے کے برما تک دا ناں لیا تے کہیا کہ جیہناں ملکاں وچ مسلماناں دے خلاف ظلم ہو رہے نیں اللہ دی قسم اسیں اوہدا بدلہ ضروری لواں گے ، دیر ضرور لگے پر بدلہ اسیں لاں گے۔
ایس تنظیم دا کہنا اے کہ اسلامی ریاست شام دے شمالی شہر حلب توں مشرقی عراق وچ دیالہ صوبے ہوئے گی۔
پچھلے مہینے وچ داعش دے لڑاکیاں نے عراقی فوج توں اک بہت وڈا علاقہ اپنے قبضے وچ لے لیا اے تے کئی شہراں لئی جنگ جاری اے۔
اقوام متحدہ دا کہنا اے عراق وچ جاری تشدد تے شدت پسندی وچ پچھلے مہینے 2417عراق مارے گئے ایس وچ 1531 عام شہری سن۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels