Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سعودی عرب وچ طلاقاں ودھن دی وجہ

سعودی عرب وچ طلاقاں ودھن دی وجہ

وچار ڈیسک
June 25th, 2014

جدہ: سعودی عرب دے اک ماہر عمرانیات نے انکشاف کیتا اے کہ ملک وچ ہوون والیاں طلاقاں دی ودھدی ہوئی گنتری دی سبھ توں وڈی وجہ جنسی مسائل نیں۔ اوہناں دا کہنا سی کہ سعودی نوجواناں نوں سکولاں کالجاں وچ جنسی تعلیم دیون دی سخت لوڑ اے۔ قاسم یونیورسٹی دے سوشیالوجی دے پروفیسر محمد السیف دا کہنا اے کہ جنسی مسئلیاں نال سعودی عرب وچ طلاقاں ودھ رہیاں نیں اوہناں زور دتا کہ سکولاںدے اسلامی کلچر، سوشیالوجی تے سائیکالوجی دے نصاب وچ جنسی تعلیم نوں شامل کر کے 10 توں 30 ورھیاں دے منڈیاںنوں لازمی طور تے جنسی تعلیم دتی جاوے تاں جے لوکائی وچ مرد تے سوانیاں دے تعلقاں وچ بہتری آ سکے۔ اوہناں نے کہیا کہ معاشرے وچ گھٹن دا ماحول پایا جاندا اے تے جنسی معاملیاں بارے گل کرنا شرم دی گل سمجھیا جاندا اے جیہڑا نہ صرف جنسی مسئلے پیدا کر کے طلاقاں دا کارن بندا اے سگوں سعودی جیلاں وی ایہو جیہے لوکاں نال بھری پئی اے جیہڑے اخلاقی جرماں وچ پائے جاندے نیں جیہناں دی اصل وجہ جنسی تعلیم دا نہ ہونا اے۔ محمد السیف نے دسیا کہ 40 فیصد سعودی مرداں نوں جنسی مسئلیاں دا ساہمنا اے جیہڑا طلاقاں دی ودھدی ہوئی گنتری دا کارن اے۔ اوہناں ایس گل تے ہرکھ دا وکھالا وی کیتا کہ اسیں جان بُجھ کہ ظاہری وجہاں جسراں گھر دے خرچے تے رشتے دراں نال لڑائی وانگر گلاں تے دھیان رکھنے آں تے طلاق دی اصل وجہ تے دھیان نہیں دیندے۔ ایہناں دا ایہہ وی کہنا سی کہ سعود ی سوانیاں معاشرتی روایتاں کارن اصل وجہ دا ذکر کرن توں جھجھکدیاں ہین جد کہ حققت وچ ایہہ مسئلہ بہت وڈا اے جیہدے نال حیاتی تے بھیڑے اثر پیندے نیں۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels