Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> سور دے بچیاں تے دہشت گردی دا الزام

سور دے بچیاں تے دہشت گردی دا الزام

وچار ڈیسک
June 23rd, 2014

یوگنڈا وچ پُلس سور دے ایہناں دوبچیاں دی ’’دہشت گردی‘‘ دے حوالے نال کھوج کر رہی اے جیہنے ملک وچ ملکی بھیڑ دے خلاف وکھالا کرن والے لوکاں نے پارلیمان دی عمارت اندر چھڈ دتا سی۔
وسیلیاں موجب وکھالیاں نے ایہناں سوراں دے جُثے نوں حکومتی پارٹی دے جھنڈے دے رنگ نال رنگ کے ایہناں اُتے نعرے لکھے سن جیہناں وچ لکھیا سی کہ پارلیمنٹ دے ممبربے ایمان ہین۔
ایس ہفتے راجدھانی کمپالا وچ ایس واقعے دے بعد دو بندیاں نوں پھڑ لیا گیا جیہناں نوں عدالت وچ پیش کیتا جاوے گا
ایہناں توں اڈ پارلیمان دے عمارت وچ تعینات کئی پُلس اہلکاراں نوں وی معطل کر دتا گیا اے۔ حکومت دی ترجمان ایجنسی موجب ایہناں اہلکاراں اُتے اپنی ذمہ داری توں غفلت دا الزام اے۔
جتھوں تک سوراں دے بچیاں دا معاملہ اے ترجمان دا کہنا اے کہ ایہناں کھوج پرکھ وی ایسے معاملیاں دی کھوج دا لازمی حصہ اے۔ جیہدا ٹیچا ایس گل دی کھوج کرنا اے کہ کدھرے ایہناں نوں عمارت دے اندر بھیجن دا مقصد دہشت گردی تے نہیں سی کیوں جے ایس قسم دا واقعیاں وچ تہانوں ویکھنا پیندا اے کہ مظاہرا کرن والیاں دا مقصد صرف احتجاج سی یا کجھ ہور وی سی۔
یاد رہوے کہ ایہناں دناں یوگنڈا وچ سیکورٹی افسراں نوں ہائی الرٹ تے رہن دی تاکید کیتی اے کیونجے یوگنڈا دیاں فوجاں صومالیہ وچ اسلام پسند تنظیم الشباب دے خلاف کارروائیاں وچ اقوام متحدہ دی اگوائی وچ صومالی حکومت دی مدد کر رہی اے۔
گرفتار کیتے جاون والے دوناں بندیاں تے الزام اے اوہناں نے پارلیمان دی عمارت دے آل دوالے رکاوٹاں نوں مجرمانہ طور تے پار کیتا تے سوراں دے دو بچیاں نوں عمارت دے اندر دِھک کے پارلیمان دی کارروائی وچ خلل پیدا کرن دی سازس کیتی۔
دوواں وکھالیاں جیہناں اپنے اپ نوں بیروزگار بھائی چارے دا ناں دیندے نیں، دا الزام اے کہ یوگنڈا دے ارکان پارلیمنٹ خراب ہین تے سرکاری خزانے توں فضول خرچے کردے نیں۔
ایہناں وکھالیاں توں اڈ یوگنڈا اُتے قومانتری امدادی ادارے وی ایس تے نندیا کر رہے نیں کہ ملک کو دتی جاون والی امداد وچ گھپلے ہو رہے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels