Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> دوجی وڈی جنگ بعد سب توں ودھ مہاجراں دی گنتری

دوجی وڈی جنگ بعد سب توں ودھ مہاجراں دی گنتری

وچار ڈیسک
June 20th, 2014


اقوامِ متحدہ دے ادارہ برائے مہاجرین (یو این ایچ سی آر) دا کہنا اے کہ دنیا بھر وچ جنگ یا لڑائی کارن زوریں ہجرت کرن والیاں دی گنتری پنج کروڑ تک پہنچ گئی اے جیہڑی دوجی وڈی جنگ دے سب توں وڈی گنتری اے
مہاجراں دی کل گنتری پنج کروڑ بارھاں لکھ اے جیہڑے پچھلے ورھے دے مقابلے وچ 60 لکھ ودھ اے۔
یو این ایچ سی آر دے آگو انتونیو گٹیرس نے دسیا اے کہ مہاجراں دی گنتری وچ وادھا امدادی اداریاں لئی اک ڈرامائی چیلنج اے۔
شام، افریقہ تے سوڈان وچ ہو رہی لڑائی کارن بڑی تیزی نال وادھا ہو رہیا اے۔
یو این ایچ سی آر دی رپورٹ موجب 63 لکھ بندے ایہو جیہے ہین جیہناں وچوں کسے نہ کسے وجہ تائیں واپس نہیں گئے تے کئی ورھیاں سگوں دہائیاں توں مہاجر ہین۔
اقوام متحدہ مطابق لمی بے گھری دی حالت وچ رہن والیاں وچ 25 لکھ افغان باشندے ہین۔ ایس ویلے وی دنیا دی سب توں ودھ مہاجر افغان ہی ہین تے کسے وی دوجے ملک دے مقابلے پاکستان وچ اوہدے سب توں ودھ مہاجر اباد ہین جیہناں دی گنتری گھٹ ودھ 16 لکھ اے۔
دنیا بھر وچ ہزاراں مہاجراں نے اپنیاں حیاتیاں دے چنگے دن خیمہ وستیاں وچ لنگھائے تے اوہ بے گھرے ہوون دی دُکھانت نوں بھلا چکے ہین
برما نال جُڑدا ملک تھائی لینڈ دے بارڈر تے برما دے کیرن اقلیت دے اک لکھ ویہہ ہزار بندے 20 ورھیاں توں ودھ چِر توں مہاجر بستیاں وچ رہ رہے نیں۔
اقوامِ متحدہ دا کہنا اے کہ مہاجراں نوں زبردستی واپس نہیں بھیجیا جانا چاہیدا تے اوس ویلے تائیں واپس نہ جاون جد تک کہ ایہہ محفوظ نہ ہوون تے ایہناں کول گھر ہوون جتھے اوہ پرت سکن۔ ایہناں وچ کینیا دے داداب کیمپ وچ رہن والے تِن لکھ صومالی مہاجر وی شامل ہین۔
اقوامِ متحدہ دا ادارہ ایہہ گل من دا اے کہ بعض خیمہ وستیاں پکیاں تھاں مل چکیا ہین ۔ جیہناں وچ سکول، ہسپتال تے کاروبار پکے ہو گئے ہین پر فیر وی کدی گھر نہیں بن سکدے۔
پر دنیا وچ بے گھر انساناں دی ایس توں ودھ ہو جاندی اے جے ایہناں وچ ائی ڈی پیز یعنی اپنے ای ملک وچ بے گھر ہوون والے بندیاں نوں شامل کرن۔
صرف شام وچ ای 65 لکھ بندے ب گھر ہین۔ شام دی لڑائی کارن کئی خاندان اک تو ودھ بے گھر ہوئے۔ اوہناں لئی خوراک، پانی، قیام تے طبی سہولت تک پہنچ محدود رہی تے لڑائی والے علاقیاں دے اندر ای رہن دی وجہ نال امدادی اداریاں دا ایہناں تک پہنچنا مشکل سی۔
انتونیو گٹیرس دے موجب یورپ نوں ایس حوالے ناں ہور پیر پُٹنے چاہیدے نیں۔
پر اقوام دی امدادی ایجنسیاں لئی سب توں ودھ پریشانی والی گل ایہہ اے کہ اک پاسے تے اوہناں نوں مہاجراں دی مدد لئی کہیا جاندا اے پر دوجے پاسے اقوامِ متحدہ دے سیاسی دھڑے تے سیکورٹی کونسلاں ایہناں لڑائیاں نوں مکاون یاں اوہناں نوں روکن وچ ناکام وکھائی دیندی اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels