Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران وچ ورلڈ کپ دے میچ وکھاون تے پابندی

ایران وچ ورلڈ کپ دے میچ وکھاون تے پابندی

وچار ڈیسک
June 11th, 2014

ایران دی راجدھانی تہران وچ پُلس نے کیفے تے ہوٹلاں وچ ورلڈ کپ دے میچ وکھاون تے پابندی لگا دتی۔
ایرانی نیوز ویب سائٹ افکا رموجب ایہ پابندی ایران دے میچاں تے وی ہووے گی۔ ایران دی کیفے یونین نے سارے ممبراں نول کہیا اے کہ وہ ورلڈ کپ دیاں نشریات دوران اپنے چینل بدل دیون یاں فیر ٹی وی ہی بند کر دیون۔
کیفے مالکاں نوں ایس ایم ایس راہیں کہیا گیا اے کہ وہ رات 12 وجے دے کیفے کھلا نہیں رکھ سکدے۔
سرکاری ادریاں موجب بہتے سارے کیفے ایس پابندی نوں منن نوں تیار نہیں جد کہ کجھ کیفیاں نے پورے ٹورنامنٹ دے میچ وکھاون دی ٹائم ٹیبل وی دے دیتے نیں۔
شہر دے ہوٹلاں دی اک یونین نے کہیا اے کہ ہوٹل مالک جے میچ ویکھن والے مجمعے تے قابو پا لین تے اوہ میچ وکھا سکدے نیں۔
چیتے رہوے کہ پچھلے ہفتے ایرانی پُلس نے ملک بھر دے سینمیاں وچ مرداں تے عورتاں نال اکٹھے فٹ بال ورلڈ کپ دے میچ ویکھن تے پابندی لگا دتی سی جیہدے بعد سینمیاں مالکاں نے بیان جاری کیتا کہ اوہ مرداں تے عورتاں لئی وکھرے وکھرے میچ نہیں وکھاون گے۔
پر ایرانی شوقیناں ورلڈ کپ دے میچ ایران دے وکھو وکھ پارکاں وچ وڈیاں سکریناں تے اپنے گھراں وچ ویکھ سکین گے۔
ایران دا پہلا میچ 16 جون نوں نائجیریادے خلاف اے جد ایران دے گروپ وچ دوجیاں دو ٹیماں ارجنٹینا تے بوسنیا ہرزوگوینا اہین۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels