Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> لال قلعہ حملہ: حملہ کرن والے دی پھانسی روک دتی گئی

لال قلعہ حملہ: حملہ کرن والے دی پھانسی روک دتی گئی

وچار ڈیسک
April 29th, 2014

بھارتی سپریم کورٹ نے محمد عارف نامی ایس پاکستانی شہری دی پھانسی روک دتی اے جیہنے دسمبر 2000 وچ دِلی دے لال قلعے تے حملہ کرن دے جرم وچ سزا سنائی گئی سی۔
ججاں نے ملزم دے وکیل دی ایس دلیل نوں من لیا اے کہ ایس کیس دا فیصلہ کرن وچ بہت دیر ہو گئی اے۔
عارف نوں اشفاق عارف دے ناں نال وی جانیا جاندا اے تے ایہناں دا تعلق لشکرِ طیبہ نال اے۔ ایہنوں 2005 وچ مجرم قرا ر دتا گیا سی تے 2011 وچ سپریم کورٹ نے ایہناں سزا ہور واگے ودھا دتی سی۔
دلی دے لال قلعے تے حملے وچ تن بندے مرے سن۔
عارف دا کیس ایہناں مقدمیاں وچوں اک اے جیہناں وچ سپریم کورٹ نے پھانسی ختم کر دتی اے۔ کیونجے پھانسی دا ساہمنا کرن والیاں دی سزا تے کافی چِر توں عمل نہیں ہویا سی۔
فروری وچ عدالت نے ایہناں تناں بندیاں دی پھانسی دی سزا ختم کر دتی سی جیہناں نوں 1991ء وچ پچھلے وزیراعظم راجیو گاندھی نوں قتل کرن دے جرم وچ موت دی سزا سنائی گئی سی۔
پیر نوں سپریم کورٹ نے حکم دتا کہ محمد عارف دے کیس دا فیصلہ کرن لئی اک وڈا عدالتی بینچ قائم ہونا چاہیدا اے۔
عارف نوں ایہناں دی بیوی رحمانہ دے نال لال قلعہ تے حملے دے چار دیہاڑیاں بعد گرفتار کر لیا گیا سی تے ایہناں نوں قتل، مجرمانہ سازش تے بھارت دے خلاف جنگ دے الزاماں دا قصور وار ٹھہرایا گیا سی۔ اکتوبر 2005 ء وچ عدالت نے ایہناں تے ہور چھے لوکاں نوں مجرم کہیا گیا سی۔ عارف نوں پھانسی سنا کے جیل گھل دتا گیا سی۔
ستمبر 2007 وچ ہائی کورٹ نے ایہناں دی سزا نوں برقرار رکھیا تے شہادتاں کافی نہ ہوون دی بنیادی تے باقی لوکاں نوں رہا کرن دا حکم دتا۔
2011ء وچ سپریم کورٹ نے ایہناں دی سزا دی تصدیق کیتی۔
بھارت وچ ایہو جیہے معاملیاں وچ کدے کدائیں پھانسی دتی جاندی اے جیہناں وچ سزا دیون وچ دیر ہو جائے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels