Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> پرپُھلتا دی کُنجی بھارت تے افغانستان دے کول ہے

پرپُھلتا دی کُنجی بھارت تے افغانستان دے کول ہے

محمد شعیب عادل
April 28th, 2014

میاں نواز شریف وزیر اعظم دا تیجی وار حلف چُکن توں بعد چین دا کامیاب پھیرا وی مار آئے ہن۔
ساڈے حکمران پچھلے کئی سالاں توں تے کیہ سگوں کئی دہاکیاں توں چین دے کامیاب پھیرے ماردے آ رہے ہن پر خورے خرابی پاکستانی حاکماں چ ہے جاں ایس دوستی دا جنتا نُوں کوئی فائدے پہنچن دی تھاں نقصان ہوندا چلا آ رہیا ہے۔ سمجھ نہیں آئی کہ چین نے اج تک امریکہ جاں یورپی ملکاں دے مقابلے وِچ پاکستان دی ایسی کیہڑی سہائتا کیتی ہے جو ایس دی دوستی ہمالہ پہاڑ توں وی اُچی سمجھدی جاندی ہے۔ ایس دے اُلٹ ہمالا نال اُچی دوستی کرن والے چین نے اپنیاں شیواں دا ڈھیر لا دِتا اے تے پاکستان دی جیہڑی تھوڑی بہت کاٹیج انڈسٹری سی اوہ ایس دوستی دے کارن بند ہو چکی اے۔ جد کہ امریکہ تے یورپی ملک جیہڑے ساڈے خلاف سازشاں وِچ رُجھے ہوئے نیں پاکستانی شیواں دے وڈے خریدار ہن۔
ایہہ ٹھیک ہے کہ پاکستان نوں اپنے گوانڈھیاں نال دوستاناں سبندھ تے دو طرفی وپار تے اُسرے سبندھ قائم کرنے چاہیدے نیں جیس لئی اِک مضبوط فارن پالیسی دی لوڑ ہے جو جنتا دی چونویں پارلیمنٹ ہی تیار کر سکدی ہے۔ دو پاسی وپار لئی لوڑ ہے کہ تہاڈے ایتھے پیداواری عمل چلدا ہووے پر منکھ نال کہنا پیندا اے کہ پاکستان ایہناں دوہاں خصوصیتاں تے وانجھے نیں۔ اقتدار تے فوجی حاکماں دے لگاتار قبضے کارن نہ تے پارلیمنٹ فارن پالیسی بنا سکدی ہے تے نہ ہی اسیں بُسے ترکے ہتھیاراں توں وکھ کوئی شے تیار کرن دے قابل ہو سکنے آں جو دوجے دیشاں توں برآمد کیتی جا سکے۔ ساڈے کجھ دیشاں نال سبندھ جہناں نال ساڈے حاکماں مالی امداد دی بِھکھیا منگدے ہن جنہاں توں ہتھار خریدے نیں۔ جنتا غربت دی لکیر توں وی ہیٹھاں جیون گزارن تے مجبور ہے تے ریاست ہتھیاراں دے ڈھیر لا رہی ہے۔
جے ریاست سچی مُچی اپنے گوانڈھیاں نال سبندھ رکھن وِچ گھمبیر ہوندی تاں پہلے اپنے نالدے پڑوسی افغانستان، ایران تے بھارت نال دوستانہ سبندھ رکھدی پر سرکار تاں اوہناں نوں فتح کرنا لوڑدی ہے۔ سچ تاں ایہہ ہے کہ پاکستان دی پرپُھلتا دی کُونجی افغانستان تے بھارت کول ہے۔ جے اج پاکستان دے حاکم افغانستان وِچ حُکمرانی تے بھارت نُوں ہرا دین دے خواب ویکھنا چھڈ دیوے تاں بغیر کسی بدیسی مدد دے تھوڑے جیہے مہینیاں وِچ ہی اینی کاروباری سرگرمیاں ارنبھ سکدی ہے کہ پاکستانی آرتھکتا بہتری ول تُر سکدی ہے۔ جے واہگا بارڈر راہیں بھارت نوں افغانستان تے مدھ ایشیائی ریاستاں تیک پہنچ دے دِتی جاوے تاں ایس دا لابھ نہ صرف پاکستانی آرتھکتا نوں ہووے گا سگوں جنتا چین دیاں غیر معیاری بے تھوہیاں شیواں دے مقابلے وِچ بھارت دیاں چنگیاں چیزاں تک اپڑ سکدی ہے۔ نواز سرکار ایہہ سبھ کجھ کرنا چاہوندی ہے پر ایس دی راہ وِچ سبھ توں وڈی اڑ فوجی اسٹیبلشمنٹ ہے۔
نواز سرکار نے چین دے سہیوگ نال کاشغر توں گوادر تیک ریلوے لائن تے موٹر وے جیہیاں یوجناواں ارنبھن دا اعلان کیتا ہے کوئی شک نہیں کہ ایہہ وڈیاں یوجناواں نیں پر ایہناں تے آون والی لاگت وی کئی ارب ڈالر ہے جیس دا بھار عوام نے بھارے ٹیکساں راہیں چُکنا ہے۔ حاکماں کول پاکستان دے اجوکے نظام نُوں ٹھیک کرن دی کوئی یوجنا نہیں پر کاشغر نال گوادر تک قرض لے کے ریلوے لائن بنان لئی وسیلے موجود نیں۔ ظاہر ہے کہ ریلوے نوں ٹھیک کرن وِچ مال پانی گھٹ ہے جد کہ نویاں یوجناواں وِچ بہت زیادہ ہے۔ ریلوے تاں کیہ سگوں صحت تے تعلیم دا مندا حال ہے۔ عوام دو چِتا جیون گزار رہے نیں پر اوہناں نوں میٹرو بس (جیہڑی صرف لاہور شہر وِچ چلائی گئی بس سروس ہے) دا تحفہ دین نُوں بے تاب نیں۔ ایس نُوں درشٹی دی گھاٹ وی کہیا جا سکدا ہے کہ گھٹ وسیلیاں راہیں پہلاں توں موجود انفراسٹرکچر نوں ٹھیک کرنا حاکماں دی شریشٹھتا وچ شامل ہی نہیں۔
ریاست توانائی دے سنکٹ دا شکار ہے۔ انرجی کرائسز توں نمٹن لئی پہلے اِک دو سال پھیر دو سال فیر تن سال تے ہُن چار سال دا وقت منگیا جا رہیا ہے ۔ بدیسی سرمایا کاری تے کاروباری کارجشیلتا وِچ وادھے لئی اِک پُرامن واتاورن چاہیدا ہے۔ ات واد دے واتاورن وچ کوئی وی سرمایا لاون والا پاکستان نہیں آ سکدا۔ پاکستانی قوم دا پہلا مسئلہ ات واد توں نِبڑنا ہے جیس دا شکار پوری قوم ہے پر اِنج جاپدا ہے کہ خورے اجوکے حاکماں وی ات واد اگے ہتھیار سٹ چھڈے نیں۔ ات وادیاں دیاں کِریاشیلتا گھٹ ہون دی تھاں ودھ رہیاں ہن۔ نواز شریف دی سونہہ چُکائی توں بعد دیس اندر ات واد ولوں جیہڑیاں وارداتاں ہوئیاں نیں نواز سرکار اجے تیک چُپ وٹی بیٹھی ہے تے ایس توں نمٹن لئی کوئی پدھری نیتی جاں کمٹمنٹ نظر نہیں آ رہی۔ ات واد خُود کش حملیاں دے نال نال ہُن بھتا لین تے اغوا کر کے تاوان دیاں واردتاں وی کردے پئے نیں۔
نواز سرکار ات واد دے خلاف راشٹریا نیتی تاں دُور دی گل ہُن تک ات واد دی نندیا کرن نُوں یار نہیں جیس توں ایہہ پربھاو پکا ہوندا ہے کہ نواز سرکار دا ات واداں پرتی نرم رویہ ہے تے ایہو کارن ہے کہ اوہ پنجاب وِچ اپنییاں سرگرمیاں بغیر کسے روک ٹوک دے جاری نیں۔ ات واد دا کُل جماعتی کانفرنساں دے پربندھاں نال نہیں مُک سکدا۔ پچھلے پنج سالاں وِچ اِنج دیاں کئی کانفرنساں ہو چُکیاں نیں۔ ساریاں وڈیاں راجنیتک جماعتاں پارلیمنٹ وِچ موجود نیں۔ کیہ پارلیمنٹ نیتی بنان وِچ اسپھل ہو چکی ہے؟ نواز سرکار جے ات واد دے خلاف کارروائی کرن وِچ سنجیدہ ہے تاں سبھ توں پہلے دیس بھر وِچ دھارمک جتھیاں تے اوہناں دیاں سرگرمیاں تے روک لاوے۔ کراچی (پاکستان دے پرانت سندھ دا وڈا شہر) وِچ ات واد دیاں وارداتاں وِچ رلے لشکر جھنگوی دا جیہڑا آگُو پھڑیا گیا ہے اوہ ستھانک مسیت وِچ نماز تراویح باقاعدگی نال پڑھا رہیا سی۔ زکات، فطرانا جاں چیرٹی دے ناں تے جو لُٹ مار کیتی جا رہی ہے اوہنوں روکیا جاوے تے سبھ توں ودھ کے سٹیٹ نُوں دھرم توں اڈ کیتا جاوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels