Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت دے اکو خاندان دے 115 ووٹ

بھارت دے اکو خاندان دے 115 ووٹ

وچار ڈیسک
April 17th, 2014
5 / 5 (1 Votes)

(بی بی سی ) بھارت دے مشرقی ریاست بہار وچ اک ای چھت ہیٹھ رہن والے اک ای خاندان وچ 115 ووٹ ہین۔ایہہ عجیب لگدا ہوئے گا پر ایہہ خاندان ایس گل نوں فخریہ انداز وچ پیش کردا اے۔
بہار دی راجدھانی پٹنہ دے لوہانپور علاقے وچ چندیل پریوار دا پتا لگانا کوئی مشکل کم نہیں۔ ایتھے اک چار منزلہ گھر وچ ایس خاندان دیاں چار نسلاں رہندیاں نیں۔
ووٹاں واسطے سیاست داناں دا ہر چوناں دے موقع تے ایس خاندان دے گھر آنا اک رسم ای بن گیا اے۔
ایہہ خاندان کل ڈیڑھ سو ممبراں دا اے جیہدے وچ اٹھ نویں ووٹر بنے نیں۔ اک مہینے پہلے چوناں دے اعلان دے بعد ایس خاندان کولوں کافی ووٹ منگن والے ملدے نیں۔
خاندن دا وڈکا 84 سال دا پرشورام سنگھ چندیل دا کہنا اے کہ میں 1954ء وچ ایس شہر وچ پڑھن لئی آیا سی تے سرکاری نوکری ملن کرکے ایتھے ای آباد ہو گیا۔
ورھیاں توں ایس پریوار نے اک روایت نوں سانبھیا اے اوہ ایہہ اے کہ ہر چوناں دے موقع تے سب توں پہلاں گھر دیاں سوانیاں ووٹ پاون لئی باہر جاندیاں نیں۔
خاندان دے 50 سوانیاں تے 65 مرد ووٹ پاون دا حق رکھدے نیں۔ ایس خصوصی خاندان نوں ایس گل تے فخر اے کہ اوہ آپس وچ صلاح مشورے کرن بعد اکو ای اُمیدوار نوں ووٹ دیندینیں۔
ارون کمار جیہناں دے بچیاں نوں ایس واری ووٹ پاون دا حق ملیا اے اوہناں نے کہیا کہ اسیں ایسی حکومت نوں ووٹ دیاں گے جیہڑے ترقی نوں یقینی بناون۔
چندیل خاندان دے ممبراں دا ایہہ وی کہنا اے کہ وقت دے نال نال ایہناں دی گنتری وچ وادھے دے وجہ ساریاں لئی اکو ای کچن وچ کھانا پکانا مشکل ہوندا جارہیا اے۔
پرشوم سنگھ چندیل نے کہیا کہ پنڈ وچ خاندانی زمین تے واہی بیجی نال ایس گھر وچ چلن والے کچن دی خوراک پوری ہو جاندی اے۔ پر ساڈی ساری جائیداد ہلے تائیں اکٹھی اے۔
پر خاندان ایس گل تے افسردہ اے کہ نویاں ویاہیاں ووہٹیاں نے ہُن تک ووٹر دا شناختی کارڈ نہیں لیا۔ بھارت وچ ووٹ دا حق حاصل کرن لئی ایہہ کارڈ لازمی ہوندا اے۔
بھارت وچ مشترکہ وڈے خاندان عام ہین خاص طور تے پینڈو علاقیاں وچ، پر اک ای خاندان وچ ووٹراں دی وڈی گنتری ایس علاقے توں چوناں لڑن والے سارے اُمیدواراں لئی دلچسپی دا باعث اے۔
بھارت وچ اج کل عام چوناں ہو رہیاں نیں جیہڑیاں سیکورٹی دی وجہ توں پنج ہفتیاں وچ پوریاں ہون گیا۔ ملک وچ 543 پارلیمانی سیٹاں تے چوناں ہو رہیاں نیں تے ایس وچ بہار دی 40 سیٹاں نوں اہم قرار دتیا جا رہیا اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels