Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ترقی پسند سوچ اپناؤ، زندگی وچ سُکھ پاؤ

ترقی پسند سوچ اپناؤ، زندگی وچ سُکھ پاؤ

کُلجیت سنگھ جنجوعہ
December 26th, 2013
5 / 5 (3 Votes)


اَج دے یُگ وچ ، سائنس دی ترقی دا صدقہ انسان جیویں جیویں آپنے جیون دے سُکھالیپن لئی مستقبل وچ وادھا کر رِہا ہے، ٹھیک اوسے ہی رفتار وچ اوہ اپنے وِیکتی گت نوں گرہِن لگی سوچ اَتے پُٹھے وِچاراں دی گِنتی وچ وی وادھا کر رِہا ہے۔ ایہہ بھیڑی سوچ دا ہی نتیجہ ہے کہ ہر پاسے نِراشا، ہَنسا دا واتاورن بن دا جا رِہا ہے۔ اِک کھوج مطابق سکاراتمک سوچ رکھن والے جی زیادہ چِر جیوندے ہَن۔ کُل مِلا کے ایہہ سکاراتمک سوچ ہی ہے جو سانوں زندگی دے ہر پڑاء وچ اگانہہ ودھن وچ سہائی ہُندی ہے۔ جاں انج کہہ لؤ کہ زندگی وچ تنگ نظری دا ورتارا رکھن والے جی ہر مَیدانے فتح دا بِگل وجاؤندے ہَن جدوں کہ تنگ نظری دے دھارنی زندگی وچ اوہنے کامیاب نہیں ہُندے۔ ہُن سوال ایہہ اُٹھدا ہے ترقی پسندی کِنج اپنائی جاوے۔ ہیٹھ لِکھے کُجھ نُقطے اِس معاملے وچ سہائی ہو سکدے ہَن: چنگی تے اُسارو سوچ دے دھارنی بنو: زندگی وِچ تُہانوں اجیہے لوک عام ہی مِلن گے جِنھاں دی سوچ بہُت ناکارتمک ہُندی ہے۔ اوہناں نوں ادھا بھریا گِلاس، ہمیشہ ادھا خالی دِسدا ہے۔ ایہو جیہے انسان زندگی وِ چ کُجھ وی کرن دا ہیا نہیں کر سکدے سگوں اوہ دوسریاں دی سوچ نوں وی نہ پکھی بنا مایوس کرن دا کارن بندے ہَن۔ سانوں اجیہے نیراس قِسم لوکاں توں بچکے رہنا چاہیدا ہے۔ سبھ توں زیادہ ضروری ہے ساڈے آس پاس دے لوک اُدمی اَتے اگانہہ ودھو سوچ والے ہون۔ سانوں آپنے آلے-دوآلے وچ وِچردے محنتی لوکاں جہے محنتی، اُدمی تے سکاراتمک بننا چاہیدا ہے اَتے آپنے من دی کوٹھڑی دے دروازے ہمیشہ اُسارو وِچاراں تے سکاراتمک سوچ واسطے کُھلھے رکھنے چاہیدے ہَن کِیونکہ اُسارو سوچ ہی ہے جو ساڈی زندگی وِ چ نویں روح پھوکدی ہے۔ سچیارتا، سہِنشیلتا اَتے دِیالتا اپناؤ: منُکھ دے وِکاس دا اندازہ اُوس دی سہِنشیلتا توں لگایا جا سکدا ہے۔ اوہ وِیکتی جو سچ دے پہِریدار ہُندے ہَن سبھ توں ودھ سہِنشیلتا والے ہُندے ہَن کِاننکِ جھوٹھ، فریب اُنھاں دے وِیکتی گت تے حاوی نہیں ہُندا اَتے اوہ کدی وی طیش نہیں آؤندے۔ سچے سُچے اَتے سچیارے انسان دوسریاں دے کماں وچ نُقص نہیں کڈھدے سگوں دوسریاں دوارا کیتے کماں نوں سلاہُندے ہَن۔ دُوسریاں دے سوچن دے طریقے انوسار سوچدے ہَن اَتے دوسریاں دے وِچاراں دا آدر وی کردے ہَن۔ دیالو بنن لئی دِیالتا دی شُروعات تُہانوں خُود آپنے آپ توں ہی کرنی ہوویگی۔ جیکر تُسیں آپنے آپ پرتی دیالو ہو تاں مُمکِن ہے کہ تُسیں دُوسریاں پرتی وی دِیالتا دی بھاونا رکھوگے۔ دِیالتا ساڈے مناں وچ ‘ہاں پکھی’ سوچ دا وِکاس کردی ہے۔ دیالو وِیکتی کدی ‘ناکارتمک سوچ اَتے نہ پکھی’ وِچاراں دا دھارنی نہیں ہُندا۔ دوسریاں توں پریرنا لؤ: جس وِیکتی دا کم تُہاڈے من نوں بھاوے، اُوس توں پریرنا لؤ۔ روز اخبار دے نال نال کِتاباں پڑھن دی عادت وی پاؤ۔ آپنی عقلمند ی وچ وادھا کرن لئی گھر وِچ لائبریری بناؤ اَتے مہان ویکتیاں نال سبندھت کِتاباں پڑھو۔ مہان ویکتیاں دے جیون تے اوہناں دِیاں رچناواں توں پریرنا لَے کے اوہناں دی سوچ نال اجیہی سدیوی سانجھ پیدا کرو جس نال تُہاڈی سوچ اوہناں دے رنگ وِ چ رنگ جاوے۔ اُسارو سوچاں وِ چ رَنگے منُکھ نوں وِپریت پرستھِتیاں وِ چ وی آس دا دِیوا لو کردا نظر آؤندا ہے۔ سدا شانت رہو:- کرودھ اَتے ایرکھا، مانوَی رِشتیاں وچ کُڑتن بھردے ہَن۔ جو وِیکتی کرودھ دی اگ ہورناں نوں ساڑن لئی بالدے ہَن اُوس دا سیک سبھ توں ودھ اُنھاں نوں ہی لگدا ہے۔ روزانہ جیون وچ انیکاں اجیہے کارن ساہمنے آؤندے ہَن، جِہناں کارن کئی وار من وچ کھِجھ اُتپن ہُندی ہے، صحت مند رہن لئی بِہتر ہے کہ ایہہ کھِجھ تُہاڈے کول صِرف اِک چھِن بھر دی مہمان ہی رہے۔ کرودھ تے تُرنت قابو پاکے شا٦ت ہون دی کوشش کرو۔ سدا خوش رہن دی کوشش کرو زندگی وچ خوش رہنا بہُت ضروری ہے۔ چِنتا سریر روپی مشین نوں نُقصان پہُنچاؤندی ہے۔ چِنتا چِتا دے سمان ہُندی ہے۔ سیانے کہندے ہَن کہ چِتا تاں اِک وار ساڑ کے سواہ کر دِندی ہے پر چِنتا ہر پل تُہانوں ساڑدی رہندی ہے۔ اِس لئی چِنتاواں نوں گھٹا کے خوشی نال جِیون نال ہی سوچ وچ نِکھار آ سکدا ہے۔ ودھیرے چِنتا نال انسان دی سوچ ناکاراتک ہونی شروع ہو جاندی ہے، جس نال آتم وِشواس وی ڈول جاندا ہے۔ چِنتا جاں تناء دی ستھِتی وِچ آپنا دِھیان اجیہے کماں وِچ لگاؤن دی کوشش کرو جس نال من نوں خوشی مِلے اَتے مانسِک تناء گَھٹے۔
کُلجیت سنگھ جنجوعہ
برَینپٹن، کَینیڈا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels