Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> 29 ورھیاں بعد ڈاکیے نوں ملیا انصاف

29 ورھیاں بعد ڈاکیے نوں ملیا انصاف

وچار ڈیسک
December 4th, 2013

نویں دِلی : بھارت دے اک ڈاکیے نوں ساڈھے تِن سو دے نیڑے عدالتی پیشیاں دے بعد چوری دے مقدمے وچ بری کر دِتا گیا اے۔ اماکانت مشرا نامی بندے اُتے اک ڈالر توں وی گھٹ رقم چوری کرن دا الزام لایا گیا سی جیہدے خلاف مقدمہ لڑدے ہوئے اوہنوں 29 ورھے لگ گئے تے اخیر اوہنوں ازادی مل گئی۔ ایس توں پہلے امکانت مشرا دی نوکری وی جاندی رہی جدوں اوہدے اُتے 57 رُپئے 60 پیسے دی چوری دا الزام لگیا جو ڈاک خانے توں غائب ہوئے سن۔ ہُن کانپور وچ رہن والے اماکانت مشرا عمر تے بیماری پاروں زیادہ بولن دے قابل نہیں۔ اک لَمی قانونی لڑائی دے بعد مشرا نے ہُن سُکھ دا ساہ لِتا اے تے اوہ اپنے آپ نوں ہُن تھوڑا ہلکا محسوس کر رہیا اے۔ اوہدے متھے اُتے لگا دھوکھا دہی دا داغ 29 ورھیاں بعد دُھپ گیا اے۔ 13 جولائی 1984 دی گل یاد کردے ہوئے اوہ آکھدا اے کہ ’’میں منی آرڈر دے طور اُتے 697 رُپئے 60 پیسے ونڈنے سن۔ میں 300 رُپئے ونڈے تے باقی پیسے ڈاکخانے دے نائب منتظم حوالے کر دِتے۔ پیسیاں دی گنتی ہوئی تے 57.60 رُپئے گھٹ نکلے۔ میرے اُتے چوری دا الزام لایا گیا، مینوں ملازمت توں معطل کر دِتا گیا تے پولیس وچ رپورٹ لکھوائی گئی۔‘‘ ایہدے بعد اماکانت مشرا نوں جیل وی جانا پیا۔ جیل توں اوہ دو دناں وچ چھٹ گیا پر اوہدے بعد شروع ہوئی اک لمی قانونی لڑائی۔ مقدمے دے دوران عدالت وچ کل 348 تاریخاں پئیاں۔ اوہنے بی بی سی نوں دسیا کہ ’’کانپور وچ میرا گھر سی، عدالت وچ مقدمے لڑن دوران میرا گھر وکیا تے فیر ہردوئی ضلع وچ میرا کھیت، جے رشتے دار سہارہ نہ دیندے تے خاندان سڑک اُتے آ جاندا۔ پچھلے 29 ورھیاں وچ میرے تِن بالاں دی موت ہو چکی اے۔ اوہدا آکھنا سی کہ تِنے بال نِکے سن، دو دھیاں تے اک پُتر زندہ اے۔ دوویں کُڑیاں دی شادی کُجھ مہینے پہلے کیتی۔ پُتر نوں 10 ویں کلاس دے بعد نہ پڑھا سکیا، 29 سال بعد اک کالا داغ دُھپ جان دے بعد مشرا تے اوہدا خاندان خوش اے۔ مشرا دی بیوی دا آکھنا اے کہ ’’اسیں ہُن سارے رشتے داراں تے گوانڈھیاں نوں ایس کیس وچ بری ہون دی خوشی وچ مٹھائی ونڈاں گے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels