Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پڑھء لکھے کاں:ایوب ضیا ، مشرف کراچی لئی چنگے سن۔ فروغ نسیم آپ ایکسپوز

پڑھء لکھے کاں:ایوب ضیا ، مشرف کراچی لئی چنگے سن۔ فروغ نسیم آپ ایکسپوز

وچار ڈیسک
February 14th, 2018

کراچی دے وڈے صحافی مظہر عباس ایس تجزیے نوں اپنی ٹوائیٹ وچ کوڑ آکھ دتا کیونجے مہاجر پختون جھیڑے ایوبی دور وچ کیپٹن گوہر ایوب شروع کیتے، ضیا نے ایم کیو ایم بنوائی اتے مشرف نے ایم کیو ایم دے مردے وچ مڑ جان پائی تے کراچی والے کنج فروغ ہوراں دی گل من لین کہ بھگتیا تے عام لوکاں نے ہی ہے۔پر ایہہ بیان دے کے فروغ ہوری کتھے، کیوں حاضریاں لا رہے سن انہاں آپ دس دتا۔ فاروق ستار نے تے نرے مشرف فارمولے ول اشارے کیتے سن پر فروغ ہوراں آپ سارا دفتر کھول چھڈیا۔سیانے کاں وانگ انہاں اک اجہے ویلے بیان دتا جداں سینیٹ دی چوناں پاروں کراچی نوں بلوچستان بناون دی گلاں ہر کوئی کریندا پیا ہے۔
ایم کیو ایم بہادر آباد دے رہنما سینیٹر فروغ نسیم نے کل آکھیا سی کہ ایوب، ضیا تے پرویز مشرف دے دور کراچی لئی چنگے رہے کیونکہ فوجی حکمراناں وچ تعصب نہیں ہوندا۔ جیو نیوز دے پروگرام اج شاہ زیب خانزادہ دے نال گل کردے ہوئے انہاں دا کہنا سی کہ انہاں نے ایہہ کدی نہیں آکھیا کہ پرویز مشرف ایم کیو ایم دے لیڈر بنن۔ایہہ انہاں ہلے تے نہیں کہنا پئی ایہہ تے اگلے آپ کرن گے۔پر ہشیار فروغ ہوراں آکھیا کہ پرویز مشرف انہاں دے وڈے بھرا واں وانگ نیں اتے اوہ انہاں دی عزتاں کردے نیں۔کیہہ ایس توں بعدوں ناں لین دی لوڑ رہ جاندی ہے۔اخیر انہاں آکھیا پئی میں ایئرپورٹ تے دو لوکاں دے سامنے ایہہ آکھیا سی کہ فوجی حکومتاں دا زمانہ کراچی لئی سب توں چنگا سی۔انہاں لوکاں دا ناں تے نہیں لتا پر انہاں تے شک وی کر دتا۔ایہہ اوہی فروغ ہوری نے جیہڑے مشرف دے وکیل رہے اتے اوس نوں ڈیفنڈ وی کردے رہے۔28جولائی دے فیصلے نیڑے انہاں نوں پوتر بنا کے اتے تھلے ٹی وی پروگراماں وچ لیایا گیا تانجے اوہ نواز خلاف اپنے تعصباں بھرے قنونی مشورے دے سکن۔ایس بیان پاروں انہاں آپ دس دتا پئی انہاں دا اْکار کس پاسے ہے کہ رابطہ کمیٹی ہن شہیداں دی یادگار ٹر گئی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels