Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نواں آرڈینس:اقوام متحدہ دسے ات گرد اں خلاف ہن پاکستان وچ وی کاروائیاں ہون گیاں: ایڈی لیٹ؟

نواں آرڈینس:اقوام متحدہ دسے ات گرد اں خلاف ہن پاکستان وچ وی کاروائیاں ہون گیاں: ایڈی لیٹ؟

وچار ڈیسک
February 13th, 2018

جیہڑا کم 2002وچ ہو جانا چاہیدا سی اوہ ہن جا کے ہویا۔ہن ایس تے عمل ہوندے ہوندے اگلے کڈے ورہے لگن گے ایس بارے پتہ نہیں۔سٹیٹ بینک ٹیرر فنانسنگ بارے 2012 وچ سرگرم ہویا سی کہہ اساں ات گردیاں خلاف وڈے فیصلے کیوں نہیں کیتے، ایہہ وڈا سوال۔ہن تساں ڈان بلاگ دی خبر پڑھو۔
صدرِ ممنون حسین نے ات گردیاں خلاف ایکٹ 1997 وچ ترمیماں دا آرڈیننس جاری کردتا جس پاروں اقوام متحدہ دی سلامتی کونسل (یواین ایس سی) ولوں بین کیتی جان والی تنظیماں تے دہشت گرد اں نوں ہن ملک وچ وی قابو کیتا جا سی۔ ترمیمی بل تے صدارتی دستخط دے بعد حافظ محمد سعید دی جماعت الدعوۃ تے فلاح انسانیت فاؤنڈیشن (ایف آئی ایف) سنے ال اختر ٹرسٹ تے الرشید ٹرسٹ وی بین تنظیماں وچ رلتی ہوگیاں جے۔ صدر دی منظوریاں بعدوں وزارت قنون نے آرڈیننس دا نوٹیفکیشن پچھلے دن جاری کیتا۔ ایکٹ وچ ترمیماں دے بعد اقوام متحدہ تے پاکستان دی بنائی بین تنظیماں دی فہرست وچ فرق مک گیا۔چیتے رہے کہ امریکی سٹیٹ ڈپارٹمنٹ دی ترجمان ہیتھرو نوریٹ نے 19 جنوری نوں پریس بریفنگ وچ آکھیا سی کہ حافظ سعید دا ناں اقوام متحدہ دی بنائی دہشت گرداں دی لسٹ وچ رلتی ہے۔ ترمیمی آرڈیننس دا فیصلہ ایسے ویلے سامنے آیاہے جداں 18 فروری نوں فنانشنل ایکشن ٹاسک فورس (ایف اے ٹی ایف) دا پہلا اکٹھ پیرس وچ کیتا جا رہیا ہے جس دی پردھانی امریکہ تے بھارت کررہے نیں۔ دونوں ملکاں دی خاہش ہے کہ پاکستان وی ایف اے ٹی اے دا حصہ بن کے عالمی منی لانڈرنگ تے دہشت گرداں نوں مالی مدد دین توں متعلق نگران دا کردار ادا کرے۔ ایس توں پہلے 2 فروری نوں نیشنل سکیورٹی کمیٹی (این ایس سی) نے ساریاں جڑیاں وزارتاں نوں ایس پاروں ضروری قنونی کم کرن دا آکھیا ہے۔ دوجے پاسے سول و عسکری کورڈینیشن فورم صوبائی تے وفاقی حکومت دے فیصلے نوں ایف اے ٹی ایف دے تناظراں وچ ویکھ رہیا ہے جس پاروں پاکستان نوں پیرس وچ ایف اے ٹی ایف دے اکٹھ وچ حافظ سعید تے انہاں دی دوجیاں تنظیماں دی مالی مدد بند کرن توں متعلق تسلی بخش رپورٹ پیش کرنی ہوئے گی۔ اقوام متحدہ دی سلامتی کونسل دی پابندی کمیٹی نے پچھلے مہینے پاکستان دورے وچ خدشہ ظاہر کیتا سی کہ ایف اے ٹی ایف پاروں پاکستان نوں اوکھے فیصلے لینے ہون گے۔ اینج عالمی تنظیماں اسلام آباد دے خلاف ٹیکس یا دوجے جرمانے لا سکدے نیں۔ چیتے رہے کہ ایف اے ٹی ا یف دو طراں دی کیٹیگریاں، گرے تے بلیک رکھدی ہے۔ کیٹیگری گرے وچ رلتی ملکاں توں مراد ایہہ ہے کہ اوہ ملک جیہڑے منی لانڈرنگ تے دہشت گرداں نوں مالی مدد نوں ڈکن لئی کم نہیں کررہے ۔ ایف اے ٹی ایف دے کول کسی ملک نوں فنانشل پابندیاں لاون دا اختیار نہیں ہے پر انہاں دی سفارشاں دی بنیاد تے بیرون ملک ترسیلاں ناصرف بہت مہنگی ہوجان گیاں سگوں مقامی پدر تے تجارت تے اضافی مالی بوجھ وی ودھ جاسی جس دا خمیازہ صنعت کار تے شہری برداشت کرن گے۔ خیال رہے کہ ایف اے ٹی ایف نے پاکستان نوں فروری 2012 وچ گرے کیٹیگری وچ شامل کیتا سی جتھے اوہ تِن سال تک ایسی کیٹیگری وچ رہیا۔ ایس ضمن وچ چیتے رہے کہ جنوری 2018 نوں بھارت تے امریکہ دے مسلسل دبا دے بعد پاکستان وچ جماعت الدعوۃ دے سربراہ حافظ محمد سعید تے لگیاں پابندیاں دا جائزہ لین لئی اقوام متحدہ دی سلامتی کونسل پابندی کمیٹی 1267 مانیٹرنگ ٹیم برائے حافظ سعید دو دن دورے تے اسلام آباد پہنچی سی۔ ایس حوالے توں دفتر خارجہ دا موقف سی کہ سلامتی کونسل دی 1297 پابندی کمیٹی دی نگران ٹیم طالبان القاعدہ تے داعش دے حوالے توں لائی گئی پابندیاں دا جائزہ لین پاکستان آئی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels