Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اج فروری دی 12تریخ ہے؟عاصمہ مر کے وی بھاری۔ گور پیا کوئی ہور

اج فروری دی 12تریخ ہے؟عاصمہ مر کے وی بھاری۔ گور پیا کوئی ہور

February 12th, 2018

پاکستان وچ جداں وی انسانی تے زنانیاں دے حقاں بارے تریخ لکھی جائے گی، جداں وی کوئی عالمی یا ملکی پدر تے لکھے گا تے عاصمہ پاروں پاکستانیاں تے پاکستان دا ناں اچارہے گا۔ایہہ لکھیا جائے گا پئی جے پاکستان وچ جنرل ضیا سی تے عاصمہ جہانگیر وی سی۔عاصمہ تے زنانیاں دی جدوجہداں پاروں بارہ فروری اوہ دیہاڑ جدوں35 ورہے پہلاں لہوردے مال روڈ تے پاکستانی زنانیاں خلاف ریاستی تشدد ہویا تے اوس پاروں ضیا شاہی دا دبدبہ جاندا رہیا کہ لوکاں آکھیا پئی ضیا شاہی اندروں ایڈی ڈری ہوئی ہے پئی ایہہ مال روڈ لہور تے زنانیاں دے وکھالے توں گھابردی ہے۔اینج پاکستانی زنانیاں لہور وچ پاکستان دی سب توں کوڑ ڈکٹیٹر شپ دی نیہاں ہلا دتیاں سن اتے فیر نرے ترے سال بعدوں ایسے لہور دی سڑکاں تے لکھاں پاکستانیاں دس اپریل1986نوں اک ہور زنانی بی بی بے نظیر بھٹو دی آگوائی وچ ضیا شاہی نوں چیتا کرا دتا سی پئی پاکستانیاں دی وڈی گنتری اوس دے خلاف ہے۔
ایہہ گل پکی پئی اج کل عاصمہ جہانگیر وڈے دبا وچ سن اتے جنج ضیا شاہی وچ ریاست دے کجھ طاقتور گروہ پی پی پی نوں مکاون وچ رجھے سن اینج ہی اج وی اوہی مائنڈ سیٹ چل رہیا ہے اتے28جولائی بعدوں تے انہاں دا چیتا سب نوں ہو چکیا ہے۔ پر عاصمہ اوہی کیتا جو اوس بارہ فروری نوں کیتا سی۔ انہاں عدالت سنے ریاست دے پردھاناں نوں ایس سب توں ڈکن لئی گل کیتی تے ایس دا دبا انہاں تے اخیر ویلے تیک سی۔آندے نیں ہورے اوہ برین ہیمرج نال پوری ہو گئی ۔انہاں دے مرن بعدوں ساریاں سیاسی جماعتاں، پارلیمنٹ تے عدلیہ دے پردھاناں، غیر ملکی لیڈراں تے میڈیا سنے میر واعظ عمر فاروق اتے ملالہ سب نے پرسہ دتا اتے جنہاں ایہہ وی نہ کیتا اوہ اکلے رہ گئے تے دسو بھلا عاصمہ اپنے لاشے پاروں وی بہوں کجھ ایکسپوز کر دتا۔اوہ فرشتہ نہیں سی، نہ اوس کدی ایہہ دعوی کیتا سی پر اوس نوں اوہ وی یاد کر رہے نیں جیہڑے اوس خلاف سن کہ مر کے اوہ ہور بھاری۔
ہور خبراں تے فوٹواں لئی ایہہ لنک ویکھو
http://www.wichaar.com/news/117/ARTICLE/33862/2018-02-11.html
ایہہ وی ویکھو
https://punjabpunch.blogspot.com/2018/02/asma-jahangir-her-book-and-few-photos.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels