Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لکھاریاں خلاف مہماں، بی جی پی پاکستان کون بنانا چاہندا جے؟

لکھاریاں خلاف مہماں، بی جی پی پاکستان کون بنانا چاہندا جے؟

February 8th, 2018

بہانے بہانے نال پاکستان وچ لکھاریاں، دانشوراں تے آرٹسٹاں خلاف مہماں میڈیا، تعلیمی اداریاں، عدالتاں اتے سوشل میڈیا تے وادھو۔ جعلی خبراں دے زمانے وچ ملزم، مجرم پہلے بنائے جاندے نیں تے کھوج بعدوں شروع ہوندی ہے۔سب اہمیتاں ٹارگٹ نوں پئی سجے والے کھبے دی ٹیک وی لیندے نیں تے کھبے پکھ والے سیکولر تقدساں دی چھتریاں ورتدے نیں۔ جے انہاں مہماں نوں فیض آباد دھرنے نال جوڑ کے ویکھو تاں رام کہانی پلے پین لگدی ہے۔نکے، نکے مفاداں پاروں وڈے وڈے تھم انہاں وچ رلتی۔پہلاں ٹارگٹ کھڑا کیتا جاندا ہے پئی ’’ویری‘‘ کون ہے تے ایس لئی کدی کرپشن تے کدی توہین تے کدی زنانیاں نوں ہراساں کرن ورگے گھمے بنائے جاندے نیں۔ ایس وچ سانجھا طریقہ ایہہ ہوندا ہے پئی مکالمہ نہ ہون دیو سگوں ملزم نوں مجرم بنا کے پیش کرو اتے اوس نوں تراہن لئی کدی پھاہے لان دی گل کرو، کدی جیل گھلن دی، کدی اوس دا حقہ پانی بند کرن دا آکھو تے کدی تقدساں دے آسرے لبھو۔وڈا مسئلہ ایہہ ہے پئی جے سوال چکن والا آپ ہی جج بن جائے تے ٹارگٹ نوں پہلے ملزم تے فیر مجرم بنا چھڈے ات سوشل میڈیا تے کجھ ہرکارے پہلاں توں تیار ہون تے گھما بنانا اوکھا نہیں۔جے کسے دی پچھلے ترے دہاکیاں دی بھارتی سیاستاں تے نظر ہوئے تاں اوہ گویڑ لا سکدا ہے پئی کنج اتھے بی جے پی کھڑی کیتی گئی سی۔دھرمی تے نظریاتی ٹیکاں نوں کنج کنج ورتیا جاندا رہیا اتے ٹارگٹ لکھاری، دانشور تے آرٹسٹ اتے جرنلسٹ بنائے جاندے، اتے انہاں مہماں وچ نکے مفاداں پاروں مختلف دھڑیاں دے بندے رلتی ہوئے۔ایس ہشیار گھمے نوں کسے اک دھڑے، کسے اک بندے، کسے اک یا دو سیکٹراں پاروں ویکھو گے تے گل گواچی رہے گی۔ایہہ کھیڈ اردو، پنجابی، سندھی،پشتو، بلوچی تے انگریزی وچ وی رچایا جاندا ہے تے دھرمی، سیکولر پکھاں نال وی ایس نوں ٹیک دتی جاندی ہے۔ٹارگٹ متھ کے، جس نوں جیہڑا پکھ سوٹ کرے اوس نوں اونج دا چھنٹا پھڑایا جاندا ہے۔طریقہ ایہو ہے پئی الزام لاون والا آپ جج تے جس تے الزام لگے اوس نال گل کیتے بغیر اوس نوں پھنڈ دیو۔ انتہا پسندیاں نوں ودھان والے ایس گھمے دا فیدہ کس نوں ہو سی ایہہ زیادہ سوچن دی لوڑ نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels