Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لیل پور وچ وی ’’پرے دی وا‘‘چل پئی:سرکاری یونیورسٹیاں تے ادبی میلے(ویڈیوز)

لیل پور وچ وی ’’پرے دی وا‘‘چل پئی:سرکاری یونیورسٹیاں تے ادبی میلے(ویڈیوز)

وچار ڈیسک
February 6th, 2018

اشرافیہ دے ادبی میلیاں بعدوں ہن سرکاری یونیورسٹیاں وچ ادبی میلے ہو رہے نیں اتے لہور وچ آئی ٹی یونیورسٹی دے ادبی ،فکری میلے وانگ فیصل آباد دی گورنمنٹ کالج یونیورسٹی ایس وچ اپنا حصہ پایا۔لہور دے میلے تے وی نویں پنجابی کتاب ’’آئی پرے دی وا‘‘ تے بھرنواں پروگرام ہویا سی اتے اج لیل پور لٹریری میلے وچ وی نین سکھ اپنی نویں پنجابی کہانیاں دی کتاب بارے گل بات کیتی۔کنیڈی ڈھاہاں ایوارڈ جتوپنجابی ناول ’’مادھو لال حسین۔لہور دی ویل‘‘ توں بعدوں نین سکھ ہوراں پہلے کہانیاں دی کتاب ’’شہید‘‘ لکھی تے ہن ’’آئی پرے دی وا‘‘ کہ ہورے ایس پاروں انہاں دے نویں سجن تے ویری پیدا ہو چکے نیں۔انہاں اج لیل پور میلے وچ ایس کتاب وچ رلتی چھ کہانیاں دے ٹوٹے سنائے تے ایس توں بعدوں یونیورسٹی دے استاداں تے طالب علماں اوس نوں پسند وی کیتا تے سوال جواب وی کیتے۔کجھ ویڈیو کلپاں دے لنک وی دے رہے ہاں۔ نین سکھ ہوراں مشہور انقلابی تے کیمونسٹ دادا امیر حیدر، انقلابی دانشور مولانا عبید اللہ سندھی، چوڑیاں، مصلیاں،مسلم شیخاں دے لیڈر آغا خان سہوترا،پادری آئی ڈی شہباز، فلمی ایکٹریس عالیہ بیگم اتے پنجابی دی انمول شاعرہ نسرین انجم بھٹی بارے لکھی اپنی چھ کہانیاں تے بھرنویں گل کیتی۔ ایہہ کہانیاں اجہے لوکاں بارے جنہاں ساری حیاتی بہوں جدوجہداں کیتیاں اتے خالد محمود ایڈوکیٹ(نین سکھ) انہاں بارے بڑی ریجھ نال لکھیا۔ ایس بارے لہور وچ ہون والی کتاب دی مکھ وکھالی وچ مشہور ترقی پسند لیڈر پروفیسر عزیزالدین آکھیا سی پئی لکھاری انہاں سارے چھ لوکاں نوں مڑ زندہ کر دتا۔ ایس دا لنک وی دے رہے ہاں۔ چیتے رہے پئی نین سکھ دی پہلی کتاب انہاں دی شاعری والی سی جس دا ناں ککر تے انگور سی اتے ایس دا پوکھو نسرین انجم بھٹی ہی لکھیا سی۔  
فیصل آباد دی سرکاری یونیورسٹی نوں این جی اوز نال رلا کے اجہے میلے کروانے چاہیدے نیں کیونجے انہاں نوں اجہے کماں دا بہوں تجربہ۔ پر اک سرکاری تعلیمی ادارے ولوں اجیہا کم اک وڈا فیصلہ جس تے یونیورسٹی دے پردھان اتے دوجے استاد ڈھیر مبارکاں قبولن پئی اج سرکاری تعلیمی اداریاں وچ جے مکالمے دی ریت چل پئی تے آون والے ویلے پاکستان بہوں اگے جا سی۔
 نین سکھ نسرین انجم بھٹی بارے لکھی اپنی کہانی ویہہ کیہڑا ایں بارے گل بات کردے ہوئے
https://www.facebook.com/aamirr/videos/10155611943959032/
نین سکھ دا ویڈیو کلپ جس وچ بار تے بار دے لوکاں بارے اوہ سچ دسیا جا رہیا ہے جیہڑے وڈے وڈے پردھان نہیں کر سکے۔
https://www.facebook.com/aamirr/videos/10155611840444032/
چوڑیاں، مصلیاں تے مسلم شیخاں بارے نین سکھ اپنی کہانی بارے گل کر رہے نیں
https://www.facebook.com/aamirr/videos/10155611805994032/
پروفیسر عزیزالدین تے دوجے پردھاناں تے سوجھواناں دی نین سکھ دی کتاب دی مکھ وکھالی تے گلاں
https://punjabpunch.blogspot.com/2017/11/book-launch-of-nain-sukh-new-title.html
کجھ سوال جیہڑے پچھے گئے اتے نین سکھ انہاں دے جواب دتے
https://www.facebook.com/aamirr/videos/10155612190659032/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels