Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بلوچ، سی پیک تے بی بی سی ہشیاریاں:60 ہزار پاکستانی تے دس ہزار چینی رل مل کم کر رہے نیں۔ چینی سفیر

بلوچ، سی پیک تے بی بی سی ہشیاریاں:60 ہزار پاکستانی تے دس ہزار چینی رل مل کم کر رہے نیں۔ چینی سفیر

وچار ڈیسک
February 3rd, 2018

سی پیک دا پہلا مرحلہ پورا ہون نیڑے ہے تاں مارے چینی سرمایہ کاریاں خلاف پاکستان وچ مہماں تیز نیں۔میڈیا نوں ایس وچ ورتیا جا رہیا ہے۔ہر دن چینی سرمایہ کاراں بارے خبراں لوایاں جا رہیاں نیں اتے ایہہ آکھیا جا رہیا ہے پئی پاکستان وچ نواں نوآبادیاتی چینی بندوبست آ رہیا ہے۔ایس کم نوں تیز کرن لئی بی بی سی تے پاکستان وچ کم کردے چینی سفیر یاؤ ژینگ ہوراں دا انٹرویو کیتا پر اوس دی سرخی من مرضیاں تے ہشیاریاں دی چغلیاں کھا رہی جے۔چینی سفیر ایہہ آکھیا پئی سی پیک وچ ہن پاکستان مڈھلا کردار ادا کرے گا تے افغانستان سنے پاکستان دے ہمسائیہ ملک وی سی پیک وچ رلن گے۔ ایس سلسلے وچ ایران پہلاں ہی پاکستان نال رل کے سی پیک وچ کم کرن دا آکھ چکیا ہے۔چینی سفیر دسیا پئی اساں پاکستان وچ سیکورٹی دے کماں توں تسلی وچ ہاں۔ پاکستان وچ جاری سی پیک دے کماں وچ سٹھ ہزار پاکستانی اتے دس ہزار چینی کم کر رہے نیں تے سانوں بلوچ مزاحمتیاں توں کوئی خطرے نہیں۔ ایہہ گل بی بی سی والیاں نوں زیادہ پسند نہیں آئی ، ہورے۔چینی سفیر دسیا پئی سی پیک دا پہلا مرحلہ پورا ہو رہیا ہے جس وچ پورے21 پراجیکٹ مکمل ہو رہے نیں تے اگلے 20 منصوبیاں تے وی کم شروع ہو چکیا ہے۔گوادر عالمی تجارتاں دا بوتھا بنن ول ودھ رہیا ہے۔بلوچاں دی وڈی پارٹیاں تے اسمبلی ممبر سی پیک نال نیں اتے ایہہ گل بہوں عالمی کھڈاریاں نوں چنگی نہیں لگدی۔بی بی سی دی ہشیارسرخی ایہہ دس پاندی ہے پئی بلوچاں تے سی پیک وچ پاڑ وچ کون، کیوں دلچسپیاں لیندا ہے۔ یقین نہ آئے تے آپ خبر پڑھ لو جس دا لنک تھلے دے رہے ہاں۔
http://www.bbc.com/urdu/pakistan-42919774


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels