Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مقدمیاں دی بہاراں: عطاالحق قاسمی دی تنخواہ تے سپریم کورٹ دے سوال

مقدمیاں دی بہاراں: عطاالحق قاسمی دی تنخواہ تے سپریم کورٹ دے سوال

وچار ڈیسک
February 2nd, 2018

اج سپریم کورٹ مسلم لیگ(ن) دے پرانے انفارمیشن منسٹر پرویز رشید نوں وی سدھ لتا ہے۔ عدالت انہاں توں پچھ رہی ہے پئی کالمچی عطا الحق قاسمی نوں پی ٹی وی توں 27لکھ روپے مہینے دی تنخواہ کیوں دتی جاندی سی۔ جے عدالت ایس بارے وڈا کم کرنا چاہندی ہے تے اوہ وکیلاں سنے انہاں سارے بندیاں دی لسٹاں منگوائے جیہڑیپنج لکھ توں ودھ رقماں سرکار توں لیندے نیں۔چیتے رہے پئی چیف جسٹس ثاقب نثار ہوری اک اجیہا مقدمہ سن رہے نیں جیہڑا بارہ سال پہلاں اک پی ٹی وی دے پروڈیوسر کیتا سی۔2006وچ جداں ایہہ مقدمہ لگیا سی تے مشرف دور ہوندا سی۔عدالت وچ سیکٹری انفارمیشن منسٹری سردار احمد نواز سکھیرا وی پیش ہوئے اتے دو رکنی بینچ نوں قاسمی ہوراں دی تنخواہ تے مراعتاں بارے دسیا۔چیف ہوراں پچھیا پئی پاکستان اک غریب ملک ہے تے ایہہ رقماں لوکاں دے ٹیکساں دیاں نیں۔چیف ہوری ایہہ وی جاننا چاہندے نیں پئی قاسمی ہوراں نوں کیوں لایا گیا؟ جے انہاں نوں نواز شریف لایا ہے تے میں انہاں نوں وی سدھ سکدا ہاں۔عدالت قاسمی ہوراں نوں وی طلب کر لتا ہے،وزیراعظم دے پرنسپل سیکٹری فواد حسن فواد نوں وی اتے سیکٹری سٹیبلشمنٹ اتے سابقہ ایڈیشنل انفارمیشن سیکٹری نوں وی سدھ لتا ہے۔کیس ہن بارہ فروری نوں سنیا جائے گا۔مقدمے دی اگلی تریخ لمیری تاں مارے ہو سکدی ہے کہ عدالت اج کل توہین عدالت سنے بہوں مقدمے سن رہی ہے۔اک پاسے نواز عدل بحالیاں دی گل کر رہے نیں تے دوجے پاسے مقدمے وادھو۔کیہہ کٹی، کٹا نکلن دا ویلہ نیڑے اپڑ رہیا ہے ایہہ سوال ہر کوئی چک رہیا ہے۔چیتے رہے پئی ایہہ اوہی قاسمی ہوری نیں جیہڑے مشرف تے مقدمہ نہ چلاون تے کالم لکھدے رہے سن۔
https://www.dawn.com/news/1386846/cjp-questions-alleged-rs270m-compensation-for-former-ptv-chairman-attaul-haq-qasmi


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels