Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بلاول دا پہلا ٹی وی شو، لہور خلاف کوڑ بیانیہ تے اٹھ و اٹھ گلاں

بلاول دا پہلا ٹی وی شو، لہور خلاف کوڑ بیانیہ تے اٹھ و اٹھ گلاں

وچار ڈیسک
February 2nd, 2018

جیو دے پروگرام کیپیٹل ٹاک وچ پی پی پی دے چیرمین بلاول بھٹو ہوراں پہلا وڈاانٹرویو دتا پر اوہ ہلے وی زرداری پالیسی تے ہی کھلوتے نیں۔پچھلی چوناں توں پہلاں وی پی پی پی سمجھدی سی پئی عمران تے نواز دی سیاسی لڑائیاں وچ پارٹی نوں فیدہ ہوئے گا اتے اج فیر بلاول اوی کوڑ بیانیہ چلاندے رہے۔مظلب پارٹی آپ تے کجھ کر نہیں سکدی سگوں حالات پاروں اوس نوں فیدہ ہوئے گا۔ کدی اوہ آکھدے نیں پئی بلوچستان تخت لہور خلاف ہے تے کدی اوہ فرماندے نیں پئی جنوبی پنجاب تخت لہور خلاف۔اینکر وی ہشیاریاں پاروں ایہہ سوال نہ کیتا پئی بلوچستان دی پردھان جماعتاں دے لیڈر اچکزئی اتے بزنجو تے نواز دے نال نیں فیر کیہڑا بلوچستان لہور خلاف ہے؟ اوہی بلوچستان جس نوں لائن حاضر کر کے پچھلی سرکار ہشیاریاں نال ڈگائی گئی؟ اپنے آپ نوں ڈیموکریٹ آکھن والے بلاول جے بلوچستان بارے چپ ہی رہندے تے چنگا ہوندا۔نہال ہاشمی کیس دے فیصلے بارے اوہ کنفیوژ نظرآئے۔ انہاں آکھیا پئی ذاتی طور تے میں سیاستداناں دے حوالیاں نال عدالتی توہیناں تے سو مو ٹو دے حق وچ نہیں۔پر نال ہی ایہہ وی آکھ دتا پئی جے سپریم کورٹ تے حملہ پاروں نواز تے ججاں نوں پھڑیچن پاروں مشرف خلاف توہین عدالت لائے تے اوہ راضی ہون گے۔بلاول ہوراں دے ماٹھے انٹرویو دا لنک دے رہے ہاں کہ تساں آپ ہی پڑھ لو
https://urdu.geo.tv/latest/179301-


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels