Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لمز وچ عالمی پنجابی کانفرنس:16تے 17فروری، پردھان ادارے کردار ادا کرن

لمز وچ عالمی پنجابی کانفرنس:16تے 17فروری، پردھان ادارے کردار ادا کرن

وچار ڈیسک
January 31st, 2018

جڈے کوڑ خیال پنجاب دی تواریخ بارے انگریزاں تے انہاں دے پچھلگاں پھیلائے نیں اوس تے مڑ جھات پاون لئی اجہی کانفرنساں دی لوڑ وادھو۔جے انگریزاں دے پھیلائے جھوٹاں نوں ہی چلانا ہے تے ایس نال پنجاب دی تواریخ چکری گلاں وچ گھمدی رہے گی۔پردھان ادارے بنن دے باوجود، لمیری گنتری وچ پنجابی کھوجیاں دے ہوندے ہوئے وی جے پنجاب دی تواریخ تے اک ڈھنگ دی کتاب نہ ملے تے بندہ کس ماں نوں ماسی آکھے۔ہن تے ایہہ بہانہ وی نہیں پئی فنڈز دا گھاٹا ہے۔ کھوج پرکھ وچ وڈا ناں لمز یونیورسٹی دا ہے اتے ہن ایہہ پنجابی کانفرساں چھو ہ رہے نیں جس توں کم اگے ودھن دی امیداں وادھو۔ رومیلا تھاپڑ، الیاس چٹھہ، عمران علی تے عائشہ جلال ورگے پنجابیاں دے ناں تے نہیں ہیگے پر امیداں پکیاں پئی کل نوں پنجاب بارے لمز دے منڈے کڑیاں ودھیا کھوجی کم کرن گے۔ پریس ریلیز وچ دسیا گیا ہے پئی لہور یونیورسٹی آف مینجمنٹ سائنسز (لمز) وچ دو دناں لئی کانفرنس دا پر بندھ کیتا گیا ہے۔16 تے 17فروری نوں ہون والی ایس کانفرنس وچ بولی تے شناخت، ونڈ: کون قاتل کون مقتول، تاریخ دی وراثتاں: پوری یا ادھوری، پنجاب وچ سماجی، مالی تے رہتلی نظام، تے کلاسیکل ادب تے نرناری دا سوال دے موضوعاں تے طاہر کامران، منظور اعجاز، محمود اعوان، ایشور دیال گور، این مرفی، سعید بھٹا، طارق رحمن، امرجیت چندن، احمد سلیم، پرویز ونڈل، مظہر ترمذی، نضرہ نعیم خان، مشتاق صوفی، قاضی جاوید، گرمیت کور، جمیل احمد پال، فرخ خان، زبیر احمد، اقبال قیصر، علی عثمان قاسمی، تے معین نظامی سنے ملکی تے غیر ملکی سوجھوان گل بات کرن گے۔ کانفرس دا مڈھلا ٹیچاپنجابی زبان، ادب، کلچر بارے نویں نسل نوں دسنا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels