Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستانی مدرسیاں وچ دو کڑوڑ بچے: بی بی سی دی ہشیار خبر، مدرسے والے وی حیران

پاکستانی مدرسیاں وچ دو کڑوڑ بچے: بی بی سی دی ہشیار خبر، مدرسے والے وی حیران

وچار ڈیسک
January 31st, 2018

پاکستان وچ سند جاری کرن والے مدرسیاں دی گنتری 32ہزار توں ودھ ہے اتے انہاں وچ دو کڑوڑ توں وادھو بچے پڑھدے نیں۔انہاں مدرسیاں وچ گھلن والے بچیاں دے ماپیاں دی 43فیصدی گنتری مذہب پاروں بچیاں نوں مدرسیاں وچ گھلدے نیں جداں کہ35فیصدی ماپے مالی فیدیاں پاروں اپنے بچیاں نوں مدرسیاں وچ گھلدے نیں۔ ایہہ گلاں کسے ہور نہیں سگوں بی بی سی والیاں چھاپیاں نیں ۔ مدرسیاں چلاون والے وی ایڈا وڈا دعوی نہیں کر رہے جڈا وڈا دعوی، تعداد پاروں بی بی سی کر دتا ہے۔بی بی سی والیاں ہک کتاب دا حوالہ دتا ہے جد دا ناں’’دی رول آف دی مدرسہ‘‘ ہے۔ ایہہ کس ، کدوں لکھی، کس چھاپی ایس بارے کوئی گل بی بی سی والیاں نہیں کیتی۔اس کھوجی لکھت لئی558خانداناں نال گل بات کیتی گئی جنہاں وچ سانجھ ایہہ سی پئی انہاں دا گھٹ و گھٹ اک بچہ کسی نہ کسی مدرسے پڑھدا سی۔پاکستان دے چودہ وڈے شہراں وچ کیتے سروے بعدوں لکھی ایس کتاب وچ دسیا گیا ہے پئی مدرسیاں وچ پڑھن والے طالب علماں دی وڈی گنتری غریب خانداناں توں آندی ہے۔ پر ایہہ گل ہلے راز ہی ہے پئی مدرسیاں وچ پڑھن والیاں دی کل گنتری رپورٹ والیاں کنج لبھی۔ خبر وچ پاکستان دے سکولاں، کالجاں وچ پہلی توں16ویں تیک پڑھن والے کل بچیاں دی گنتری تے نہیں دسی گئی پر اک اندازے پاروں جے ایہہ گنتری چھ کروڑ ہے تاں بی بی سی پاروں ہر تیجا بچہ مدرسے جاندا ہے۔مدرسے جان دا عمومی مطلب اج کل ایہو نکلدا ہے پئی ایہہ سب انتہا پسند نیں۔کیہہ ایہہ ٹرمپی ایجنڈے دا بوتھا ہے؟
پاکستان وچ وفاق المدارس مدرسیاں دا سب توں وڈا نیٹ ورک ہے تے اوس دا دعوی ہے پئی اوس کول 20لکھ طالب علم نیں تے ۔کراچی دے کھوجی ادارےHIVEاین جی او نے 2015وچ مدرسیاں بارے جیہڑی رپورٹ جاری کیتی سی اوس وچ مدرسیاں وچ پڑھن والیاں دی گنتری35لکھ لکھی سی۔ پر دوساں وچ ایہہ دو کڑوڑ تیک اپڑ گئی ایہہ سمجھ توں باہر ہے۔کتھے بی بی سی والے مدرسے چلاون والیاں نوں پھوک تے نہیں دے رہے؟عالمی میڈیا وچ کیہہ کجھ چھپ رہیا ہے، کیہڑی فائل بن رہی ہے، سانوں ایس بارے سوچن دی ویہل نہیں کیونجے اساں ہور کماں وچ لگے ہوئے جے۔
بی بی سی سٹوری
http://www.bbc.com/urdu/pakistan-42873464
مدرسیاں وچ پڑھن والیاں دی گنتری
https://www.pakistantoday.com.pk/2015/07/31/report-says-over-35000-madrassas-operating-in-pakistan/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels