Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پارلیمنٹ:جیہڑا ترمیماں کر سکدا ہے اوہی پردھان ہے۔گل اگے ودھ گئی ہے؟

پارلیمنٹ:جیہڑا ترمیماں کر سکدا ہے اوہی پردھان ہے۔گل اگے ودھ گئی ہے؟

وچار ڈیسک
January 30th, 2018

آئین وچ ترمیماں دا حق صرف پارلیمنٹ نوں ہے۔ہر جمہوری بندوبست وچ پارلیمنٹ ہی سب توں پردھان ادارہ ہوندی ہے۔آئین دا اک نکا طالب علم وی جنیوا جمے ’’یاں لوئیس ڈی لومے‘‘ دا ناں جاندا ہے جس دی1771وچ لکھی کتاب برطانیہ، امریکہ تے یورپی ملکاں دے آئیناں دی بنیاد ہے۔ اوس دا ایہہ جملہ تواریخی اہمیتاں رکھدا ہے جس وچ اوس آکھیا سی پئی پارلیمنٹ مرد نوں زنانی تے زنانی نوں مرد آکھ سکدی ہے۔ پر پاکستان وچ جمہوریت تے چار ڈاکیاں اتے آئین نوں توڑن تے وگاڑن بعدوں ہن تیک ایہو بحثاں جاری کہ آئین پردھان ہے یا پارلیمنٹ؟امریکہ، یورپ دی دن رات مثالاں اتے اینگلو سیکسن قنون پاروں فیصلے دین والے وی پالیمنٹ نوں پردھان نہ منن تاں اساں کیہہ آکھ سکدے ہاں۔آئین پردھان ہے پر جیہڑا آئین وچ ترمیماں کر سکدا ہے اوہ اوس توں وی زیادہ پردھان ہے۔کدی آئین دی روح دی گل کیتی جاندی ہے تے کدی ایہہ آکھیا جاندا ہے کہ بالادستیاں آئین دی نیں۔کیہہ ایس دا ایہہ مطلب ہے کہ پارلیمنٹ دی بالادستیاں توں انکار ہے؟ ضیا تے مشرف ولوں اٹھویں تے ستارویں ترمیماں پاروں آئین وچ وگاڑ پایا گیا سی تے اوس ویلے، سگوں ڈکٹیٹراں دے جان بعدوں وی عدالتاں آئین دی روح یا آئین دی تشریحاں پاروں اوس وگاڑ نوں مکاون لئی کجھ کیتا؟جس62(1) ایف دا ذکر اج عدالت وچ ہو رہیا ہے ایس تے ضیا تے مشرف دا سایہ اتے ہن اوس تے ہی فیصلے آرہے نیں۔ آئین وچ صاف لکھیا ہے پئی ایف والی شق غیر مسلماں تے وی لگدی ہے کیونجے(2)62 وچ لکھیا یے پئی نری ڈی تے ای والی شقاں غیرمسلماں تے نہیں لگدیاں۔جے ایہہ یونیورسل قنون نیں تے نرے پارلیمنٹ دے ممبراں لئی کیوں نیں؟ایہہ فیر سب تے لگدے نیں۔ ویسے ایہہ فیصلے آون دا سیزن ہے تاں مارے کم تیز ہے اتے کدی میمو گیٹ مڑ کھلن دی گل ہوندی ہے، نہال ہاشمی دافیصلہ وی پہلی نوں آ سی تے مشال دا وی فروری وچ۔چیف جسٹس اج پی ٹی آئی دے وکیل نوں جداں پچھیا کہ کیہہ عدالتی تشریحاں نوں آئینی ترمیماں لئی ورتیا جا سکدا ہے تے انہاں وی ایس تے انکار کر دتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels