Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> افغانستان مڑ نشانے تے کیوں؟پاک۔افغان۔ایران رلواں باڈر اگلا ایجنڈا؟

افغانستان مڑ نشانے تے کیوں؟پاک۔افغان۔ایران رلواں باڈر اگلا ایجنڈا؟

وچار ڈیسک
January 29th, 2018

اتے تھلے حملے ودھ رہے نیں، ہوٹل بعدوں ایمولینس حملہ تے ہن جنرل فہیم ملٹری اکیڈیمی تے حملے، ایہہ اگ تے طوفان یکدم آیا ہے یا ایہہ چار ملکی کوششاں دے ٹٹن بعدوں سب نوں پہلاں ہی نظر آ رہیا سی؟مڈل ایسٹ تے پاکستان، افغانستان تے ایران وچ اوبامہ پالیسیاں مکاون پاروں اک پاسے دو ریاستی حل نوں پچھے کیتا گیا تے ساڈے ایتھے پاکستان، افغانستان، چین تے امریکہ دی چار ملکی امن کوششاں مک گیاں۔افغانستان نوں نویں ٹرمپی پالیسی پاروں فیر توں تباہیاں ول لیجایا جا رہیا ہے۔ٹرمپ نوں ڈر سی پئی چار ملکاں نال ایران، ترکی تے روس وی جڑے نیں تے اوس نوں مڈل ایسٹ تے پاک اٖفغان ایران باڈراں تے جھیڑے ودھان دا موقعہ وی نہیں ملے گا۔افغانستان وچ پاکستان مخالف تے پاکستان وچ ایران مخالف سرکار بنوانا ایس ہشیار ایجنڈے دے ہورے لکویں پلان نیں۔ایس پاروں طورخم دی تھاں ایران نال جڑیاں بلوچستانی تھاواں دی اہمیتاں وادھو۔اک پاسے تیزیاں نال پانی پلاں ہیٹھوں لنگھ رہیا ہے تے دوجے پاسے پاکستان وچ اندرونی پاور پالیٹکس توں سانوں ویہل نہیں یا ہورے ہشیار کھڈاری لوکاں نوں دوجے پاسے لا کے ٹرمپی سیاستاں وچ اپنا حصہ پا رہے نیں؟ افغانستان داوگاڑ گھٹ و گھٹ پاکستان تے ایران دے مفاداں وچ نہیں اتے ایس تے پاکستان تے ایران نوں روس، چین، امریکہ نال مل کے چھ ملکی اکٹھ کروانا چاہیدا ہے۔ ٹرمپی پالیسیاں پاروں ایہہ وگاڑ تے پاڑ ودھ رہیا ہے پر پاکستانی میڈیا وچ ہشیار اندرونی ایجنڈیاں پاروں ایس بارے خبراں گھٹ نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels