Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لا اینڈ جسٹس کمیشن ترمیمی بل ، ان کیمرہ دی گلاں اتے سینیٹ۔ گل رکی کتھے ہے؟

لا اینڈ جسٹس کمیشن ترمیمی بل ، ان کیمرہ دی گلاں اتے سینیٹ۔ گل رکی کتھے ہے؟

وچار ڈیسک
January 27th, 2018

سب توں وادھو یعنی 95 فیصدی توں ودھ غیر ملکی سندھ وچ نیں تے ہورے انہاں دی وڈی گنتری کراچی کہ ایس بارے کون سوچے گا؟ نوائے وقت خبر تے چھاپی ہے پر پارلیمانی لیکس بارے گل کرن والی سینیٹ، ڈان لیکس تے کیوں چپ رہی؟فوٹو لیکس تے واٹس اپ خبر وی تے ربانی ہوراں پڑھی ہوئے گی۔ گل پوری سامنے آئے گی تاں نویں رستے لبھن گے۔ تساں ہن ایہہ خبر پڑھو۔
چیئرمین رضا ربانی دی صدارتاں وچ سینٹ اجلاس ہویا۔ چیئرمین سینیٹ نے امریکی ڈرون حملے دی بہوں مذمتاں کیتیاں۔ داخلہ دفتر نے اپنے جواب وچ دسیا پئی نادرا دے کول اک لکھ 19 ہزار 509، غیر قنونی غیر ملکی رجسٹرڈ نیں۔ خیبر پی کے وچ 560، پنجاب وچ 4423، سندھ وچ اک لکھ 13 ہزار 509، غیر قنونی تارکین وطن نیں۔ 58 ہزار 307، جعلی یا مشکوک شناختی کارڈاں دی نشاندہیاں ہوچکیاں نیں۔ پنجاب وچ 17 ہزار 438، سندھ وچ 13 ہزار 870، بلوچستان وچ 11 ہزار 603، خیبر پی کے وچ 10 ہزار 200، فاٹا وچ 3 ہزار 626، اسلام آباد وچ 88، آزاد کشمیر وچ 702، گلگت بلتستان وچ 46 جعلی شناختی کارڈاں دی نشاندہیاں کیتیاں گیاں۔ داخلہ والیاں نے ملک وچ لاپتہ بندیاں دی تفصیلاں سینیٹ وچ پیش کیتیاں۔ لاپتہ لوکاں دے کمیشن نوں 2011 توں ہن تک 4608 شکایتاں ملیاں۔ لاپتہ افراد کمشن نوں ملن والے 3076 معاملے نبیڑ دتے گئے۔ لاپتہ لوکاں چوں 2306 دا پتہ لالتا گیا ہے۔ ملک وچ 2013 توں ہن تک 5992 ات گردیاں ہوئیاں۔ ایس وچ 5244 لوکاں دی موتاں ہوئیاں اتے 14 ہزار 209 بندے زخمی ہوئے تے 1942 سکیورٹی اہلکار، 3302 سویلین مرے جداں کہ زخمیاں وچ 3664 سکیورٹی اہلکار تے 10 ہزار 545 سویلین شامل نیں۔ دفاعی دفتر نے سینیٹ نوں دسیا پئی افغان سرحد تے 150 کلومیٹر باڑ لان دا کم مکمل کرلتا گیا ہے۔ بلوچستان وچ افغان سرحد تے باڑ لان دا کم فروری وچ شروع کیتا جائے گا۔ سینیٹر رحمن ملک نے نیو اسلام آباد ایئرپورٹ کھولن وچ تاخیراں تے توجہ نوٹس تے گل کیتی۔ وفاقی وزیر شیخ آفتاب نے آکھیا نیو اسلام آباد تے اندرونی کم 98 فیصد مکمل ہوچکیا ہے۔ ایئرپورٹ دے نیڑے 2 ڈیمز تے 11 ٹیوب ویلز قائم کیتے گئے نیں۔ ائیرپورٹ کھولن وچ تاخیراں دی وجہ دو سڑکاں دی دے بنن دا پورا نہ ہونا ہے۔ میٹرو بس مکمل نہ ہونا وی ایئرپورٹ نہ کھولن دی وجہ ہے۔اے پی پی دسیا ہے پئی سینیٹ نے لاء اینڈ جسٹس کمشن آف پاکستان (ترمیمی بل 2017 ) دی منظوری دے دتی۔ صباح نیوز دسیا پئی ایوان بالا چیف جسٹس آف پاکستان دی سربراہی وچ قائم قنون و انصاف کمشن دے ایکٹ وچ ترمیمی بل 2017 دی منظوری دے دتی گئی۔ وزیر قنون و انصاف چوہدری محمود بشیر ورک نے بل پیش کیتا۔ ایوان نے اتفاق رائے نال منظوری دتی۔ ترمیم پاروں انصاف دی فراہمی دے ترقیاتی فنڈ وچ اسلام آباد نوں وی شامل کرلتا گیا۔ اسلام آباد دی عدالتاں دے انفراد سٹرکچر نوں جدید بنان سمیت وفاقی دارالحکومت دے مستحق افراد دی قنونی مدد لئی مدد جاری کیتی جاسکے گی۔ چیئر مین سینیٹ رضا ربانی نے مستقبل وچ خفیہ کاروائی کیتی لیکس پاروں سینیٹراں نوں 30 دناں لئی معطل کرن بارے خبردار کیتا۔ چیف آف آرمی سٹاف دی ایوان بالا نوں بند کمرے دے اجلاس دی بریفنگ نوں ظاہر کرن والیاں نوں وارننگ جاری کردتی گئی۔ انہاں نے نیشنل بینک وچ ترقیاں وچ بے قاعد گیاں دا معاملہ تحقیقاں لئی قائمہ کمیٹی برائے خزانہ نوں گھل دتا۔ چیئر مین رضا ربانی نے حکم جاری کیتا آئندہ کوئی ان کیمرہ اجلاس دی کاروائیاں بارے باہر دسے گا تے ایس دی ہاؤس بزنس یڈوائزری کمیٹی وچ پیشی ہوئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels