Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نواں ائیرپورٹ چلانا سول ایوی ایشن دے بس دی گل نہیں:وزیراعظم۔مسلہ ہے کیہہ؟

نواں ائیرپورٹ چلانا سول ایوی ایشن دے بس دی گل نہیں:وزیراعظم۔مسلہ ہے کیہہ؟

وچار ڈیسک
January 24th, 2018

جیہڑے ائیرپورٹاں دے واش روم صاف نہیں کروا سکدے اوہ ائیرپورٹ کیہہ چلاون گے۔اسلام آباد دے نویں ائیرپورٹ نوں چلاون لئی پردھان عالمی سول ایوی ایشن کمپنی نوں سدھیا جا سی۔ پی آئی اے ہر روز دس توں پندرہ کڑوڑ دے گھاٹیاں تے چل رہی ہے۔ نجکاری ہی ایس دا حل ہے۔پی آئی اے نے 450ارب دوجیاں دے دینے نیں۔ایہہ گلاں وزیراعظم پاکستان شاہد خاقان عباسی ہوراں کیتیاں۔سوال ایہہ ہے پئی کیہہ اساں ترکی توں سبق نہیں سکھ سکدے جس پچھلے چند سالاں وچ دنیا دا ودھیا سول ایوی ایشن سسٹم بنایا ہے؟ عالمی پدر تے ترکی دی مثال ہر کوئی دے رہیا ہے۔دوجا مسلہ ایہہ ہے پئی سول ایوی ایشن تے پی آئی اے دی گلاں دو وکھریاں بحثاں نیں اتے ایس نوں رلانا نہیں چاہیدا۔سول ایوی ایشن دا ادارہ ضیاشاہی وچ1982 دے سال بنایا گیاسی اتے پہلے دن توں ایس تے عسکری افسر لائے جاندے نیں۔ایس توں پہلاں سول ایوی ایشن نوں دفاع دی وزارت وچ رکھیا ہویا سی اتے 1982دے بعد وی ایہہ دفاعی محکمے دے تھلے ہی سی۔ مطلب کاروباری ویژن نال ایس ادارے نوں کدی چلایا ہی نہیں گیا۔2013جون وچ ایس ادارے نوں کابینہ سکٹریٹ دے ایوی ایشن ڈویژن دے تھلے دے دتا گیا۔پچھلے کجھ سالاں وچ ترکی والیاں اپنے ائیرپورٹاں نوں جدید سہولتاں تے حفاظتاں دا مثالی رنگ دتا ہے جس پاروں ترکی دا ٹورازم وی ودھیا ہے تے دنیا وچ ترکی دا مقام وی اچا ہویا ہے۔دوجی لام بعدوں عالمی پدر تے جس کاروبار نے بہوں ترقیاں کیتیاں اوہ ائیر ایوی ایشن نال جڑیا سی پر ساڈے ایتھے ایس نوں کاروباری طریقیاں نال چلاون دی تھاں سیکورٹی دے گھمے پاروں رگیدیا گیا کہ ایس دی کہانی ہلے لکھی نہیں گئی۔ائیرفورس دی موجودگی وچ آرمی ایوی ایشن امریکی مشوریاں نال 1950دے دہاکے دے پہلے سالاں وچ کیوں اساری گئی ایس بارے ماہر سوال چکدے نیں۔ایوبی دور وچ سول افسراں نوں کڈھ کے ائیر مارشلاں نوں پی آئی اے جیہے پکے کاروباری ادارے دا پردھان کیوں بنایا گیا؟ جہازاں تے انہاں دے پرزیاں نوں خریدن دی کہانی وی اولڑی کہ سول ایوی ایشن تے پی آئی اے دے گھاٹیاں نوں نرا سیاستداناں تے پانا اوہ ہشیار پالیسی جس وچ میڈیا وی رلتی ہے۔مسلے دا حل نجکاریاں توں کڈہن توں پہلاں ایس سب بارے جے گل نہ ہوئی تے کھوہ دا پانی پاک نہیں ہونا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels