Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> چیف جسٹس زنانیاں خلاف ’’جنسیت‘‘ والے ریمارکس تے معافی منگن۔ویمن ایکشن فورم

چیف جسٹس زنانیاں خلاف ’’جنسیت‘‘ والے ریمارکس تے معافی منگن۔ویمن ایکشن فورم

وچار ڈیسک
January 24th, 2018

اج ڈان نے ویمن ایکشن فورم کراچی دی پردھان دا خط پتر چھاپیا ہے جس وچ چیف جسٹس آف پاکستان ثاقب نثار ہوراں نوں آکھیا ہے پئی اوہ زنانیاں خلاف جنسیت والے ریمارکس تے معافی منگن۔ کجھ چر پہلاں چیف ہوراں دا ہندواں بارے دتا اک بیان انہاں تے تنقیداں دا سبب بنیا سی تے ہن زنانیاں بارے بیان بعدوں اک وار فیر انہاں نوں گلاں ہو رہیاں نیں۔کجھ دن پہلاں جنوری دی تیرہ تریخ نوں چیف ہوراں کراچی وچ تقریر کردے ہوئے برطانیہ دے قدامت پسند لیڈر، سابقہ فوجی تے لکھاری ونسٹن چرچل دا ہک قول بولیا تے اوہ انہاں نوں مہنگا پئے گیا۔قدامت پرست پارٹی دے لیڈر چرچل ہوراں آکھیا سی پئی اک ستھری تقریر زنانیاں دی سکرٹ وانگ ہوندی ہے، ایڈی لمیری جس پاروں اوہ اہم تھاواں ڈھک سکے پر ایڈی چھوٹی وی کہ جس پاروں دلچسپیاں وی رہن۔خط وچ آکھیا گیا پئی زنانیاں خلاف اک رویہ موجود ہے۔انہاں لکھیا پئی ویمن ایکشن فورم والے ویمن لائرز ایسوسی ایشن دے ایس بیان توں سہمت ہے کہ اپنی گل وچ وزن پاون لئی زنانیاں دے جسم بارے جملے بولن پاروں کم کرن والی زنانیاں ماڑی پیندیاں نیں۔خط وچ ایس گل تے زوروادھو ہے کہ اجہے رویاں پاروں قنون دے شعبہ وچ زنانیاں نوں اگے نہیں آون دتا جاندا۔خبر دا لنک وی دے رہے ہاں جس وچ خط وی چھاپیا گیا ہے۔
https://www.dawn.com/news/1384770/womens-action-forum-asks-cjp-to-apologise-for-sexist-remark


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels