Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اسرائیل وانگ جاپان وی چین مخالفتاں پاروں بھارت نال؟لڑاکے روبورٹ

اسرائیل وانگ جاپان وی چین مخالفتاں پاروں بھارت نال؟لڑاکے روبورٹ

وچار ڈیسک
January 23rd, 2018

بھارت نوں چین نال لڑوان دی امریکی پالیسیاں پاروں اسرائیل بعدوں ہن جاپان وی بھارت دی مدد لئی کد پیا ہے۔جاپان دے خارجہ دے سٹیٹ منسٹر کینتارو سنورا ٹائمز آف انڈیا نوں دسیا ہے پئی جاپان تے بھارت مل کے اجہے ہتھیار بناون گے جس نوں بغیر انساناں دے ورتیا جاسکے جنج یو جی وی اتے روبوٹکس۔جاپانی پارلیمنٹ بھارت نال سول نیوکلئیر ڈیل دی منظوریاں پہلاں ہی دے چکی ہے۔جاپانی وزیر دسیا پئی اگلے مہینے توں ہی جاپانی نیوکلئیر کمپنیاں ایس تے کم تیز کر دین گیاں۔روسی میڈیا لکھیا ہے پئی چین تے امریکی فوجاں دی تیاریاں پوریاں نیں تے کجھ وی ہو سکدا ہے۔امریکی سب توں زیادہ ریشمی رستے والے چینی پراجیکٹ (ون بیلٹ تے ون روڈ) پاروں اوتاولے ہو رہے نیں۔ ہورے پاکستان تے وی ایہو امریکی دبا ہے۔جابانی وزیر دا آکھنا ہے پئی اساں اک عرصے توں بھارت نال مل کے کم کردے رہے ہاں پر ہن سامنے آ کے ایہہ دسنا لوڑی دا ہے۔بھارت ولوں بناوٹی انٹیلی جنس دے سنٹر(سی اے آئی آر) دے اک افسر، ناں لکاوندے ہوئے انٹرنیشنل بزنس ٹائمز نوں دسیا ہے پئی ساڈا ٹیچا ایہہ ہے کہ اساں بھارتی فوجاں نوں جدید ٹیکنالوجی نال لیس کریے۔بھارت اک پاسے چینی روسی فنانشل اتحاد برکس دا ممبر ہے، چین نال سانجھی سرمایہ کاریاں وچ اگے اگے ہے، روسی چینی اتحاد ایس سی او دا ممبر وی بن چکیا ہے جس وچ پاکستان وی رلتی ہے پر نال نال بھارت چین مخالف پراجیکٹ توں وی فیدے چکن وچ رجھیا ہے۔دو کشتیاں وچ پیر رکھ کے بھارت زیادہ اگے نہیں جا سکدا۔امریکہ تاں مارے پاکستان تے دبا پا رہیا ہے کیونجے اوہ چاہندا ہے پئی پاکستان وی چین مخالف پراجیکٹ وچ رلتی ہوئے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels