Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان کابل حملے وچ ملوث طالبان نوں ترت پھڑیچے۔،وائٹ ہاؤس دی رٹ

پاکستان کابل حملے وچ ملوث طالبان نوں ترت پھڑیچے۔،وائٹ ہاؤس دی رٹ

وچار ڈیسک
January 23rd, 2018

عالمی میڈیا وچ مرن والیاں دی گنتری اٹھارہ دسی گئی ہے جنہاں وچ چودہ غیر ملکی نے اتے اے بی سی نیوز لکھیا ہے پئی گیارہ غیر ملکی کابل وچ کم کردی نویں ائیر لائن’’کام ائیر‘‘دے پائلٹ سن۔انہاں وچ چھ یوکرین دے سن تے دو وینزویلا دے۔مرن والیاں وچ اک اک بندہ قازقستان تے جرمنی دا سی۔دو یونانی پائلٹاں بڑی اوکڑاں نال اپنی جان بچائی۔افغانستان دے صوبے لغمان توں تعلق رکھن والے ٹیلی کمیونیکیشن افسر محمد ہمائیوں شمس وی حملے ویلے ہوٹل وچ سن۔اوہ انہاں لوکاں وچ رلتی نیں جیہڑے کھڑکی توں رکھ تے لمک کے بچ گئے۔ انہاں حملہ آوراں نوں آپ ویکھیا سی پر انہاں دا آکھنا ہے پئی حملہ آوراں تے سیکورٹی والیاں نے اکو جہی وردیاں پائیاں سن۔ ایہہ سب گلاں عالمی پریس وچ چھپیاں نیں پر وائٹ ہاوس ایس بارے غور کرن دی تھاں سارا زور نرا پاکستان وچ لاون وچ رجھیا ہویا ہے۔تھلے وائس آف امریکہ دی خبر دے رہے ہاں ایس نوں وی پڑھ لو۔
وائٹ ہاؤس نے پاکستان توں مطالبہ کیتا ہے کہ کابل ہوٹل تے حملے وچ ملوث طالبان رہنماواں نوں فوری طور تے گرفتار یا بے دخل کیتا جائے۔ ایہہ گل وائٹ ہاؤس پریس سکریٹری، سارا سینڈرز نے پیر نوں روزانہ پریس بریفنگ دے آغاز تے آپ آکھی۔ ترجمان نے آکھیا کہ ایس طالبان گروپ نوں پاکستانی سرزمین استعمال کرن توں روکیا جائے۔ ایدھر کابل وچ انٹرکانٹی، نینٹل ہوٹل تے حملے دے بعد افغان حکام ولوں آکھیا گیا سی کہ حملے وچ طالبان دا دھڑا حقانی نیٹ ورک ملوث ہے جس دے مبینہ طور تے پاکستانی حدود وچ ٹھکانے نیں۔ خبراں پاروں دسیا گیا ہے پئی ہوٹل تے حملے وچ ہلاکتاں دی گنتری 30 توں زیادہ ہوگئی ہے۔ پاکستانی وزارت خارجہ دے ترجمان محمد فیصل نے آکھیا ہے کہ حملے دی قابل بھروسہ تحقیقاں کرائی جانی چاہیدیاں جے تے ایہہ کہ انہاں خبراں نوں وی چیتے رکھیا جانا چاہیدا ہے کہ حملے دی وجہ سکیورٹی انتظاماں وچ ورتی جان والی غفلت وی سی۔ ایدھر پاکستان فوج دے ترجمان میجر جنرل آصف غفور نے آکھیا ہے کہ کابل وچ دھماکہ افغان دہشت گرداں دی کارستانی ہے اتے حقانی نیٹ ورک دا تعلق وی افغانستان توں ہے۔ افغان حکام دے مطابق ایس حملے وچ مارے جان والیاں وچ 14 غیر ملکی شامل نیں جیہناں وچ ہوٹل وچ ٹہرے ہوئے مجمان، عملہ تے سکیورٹی فورسز دے اہلکار رلتی نیں۔ حملہ آوراں نے فوجی اہلکاراں دی وردیاں پا رکھیا سن۔ حملے دے دوران 150 افراد بشمول 41 غیر ملکیاں نوں ہوٹل توں محفوظ طریقے نال کڈھ لتا گیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels