Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> خیبر پختون خوا:صوفی مشال کیس دا فیصلہ ہویا ہوندا تے سریر خان بچ سکدا سی

خیبر پختون خوا:صوفی مشال کیس دا فیصلہ ہویا ہوندا تے سریر خان بچ سکدا سی

وچار ڈیسک
January 23rd, 2018

سریر احمد خان حافظ قران وی سی،اسلامیات دا استاد وی اتے کالج دا پرنسپل وی۔اوس نوں شیہد کرن والا فہیم شاہ بہوں دن کالج توں غیر حاضر رہیا سی اتے ایس پاروں اوس نے پرنسپل نال جھیڑا وی کیتا سی۔ایہہ وقوعہ خیبر پختون خوا دے ضلع چارسدہ دی تحصیل شب قدر وچ ہویا ہے۔ چیتے رہے پئی خیبر پختون خوا اوہی صوبہ جتھے نو مہینے پہلاں صوفی مشال نوں شیہد کیتا گیا سی۔نو مہینیاں وچ ایس کیس دا فیصلہ نہ ہون پاروں کیہہ تاثر جاندا ہے؟
خبراں وچ دسیا گیا ہے پئی ملزم پھڑیچیا گیا ہے اتے ایف آئی آر وی کٹی گئی ہے۔ شب قدر تھانے دے باہر کالج دے طالب علماں پرنسپل دے حق تے ملزم خلاف وکھالا کیتا۔ملزم داآکھنا ہے پئی کیونجے میں فیض آباد دھرنے وچ گیا ساں تاں مارے میری غیر حاضریاں نوں شمار نہ کیتا جائے۔ ہلے ایہہ گل ثابت نہیں ہوئی کہ ملزم فیض آباد دھرنے وچ گیا وی سی یا نہیں۔ دھرنا تے کدوں دا مک گیا سی تے ملزم کد تیک غیرحاضر رہیا۔سریر خان ہک نجی کالج دے پرنسپل سن اتے ایس قتل بعدوں خیبر پختون خوا حکومت لئی اک ہور امتحان۔کل ہی مشال دے پیو ایہہ آکھیا سی کہ صوبے دی سرکار مشال خان کیس وچ مدد نہیں دے رہی۔صوفی مشال کیس بارے چیف جسٹس سو موٹو لتا سی پر فیر وی نو مہینے لگ چکے نیں۔
کالج دے اک ہور طالب علم حارث شاہ ٹربیون نوں دسیا ہے کہ انہاں تے انہاں دے ساتھیاں نے قتل ہوندے ویکھیا ہے اتے اوہ گواہیاں دین لئی تیار نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels