Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجاب یونیورسٹی دنگے:پہلاں جمعیت تے ہن بلوچ، پختون جتھے۔یونیورسٹیاں وچ مار دھاڑ

پنجاب یونیورسٹی دنگے:پہلاں جمعیت تے ہن بلوچ، پختون جتھے۔یونیورسٹیاں وچ مار دھاڑ

وچار ڈیسک
January 22nd, 2018

کجھ مہینے پہلاں بلوچ، پختون جتھے بندیاں نوں اسلامی جمعیت طلباء نے کلچرل پروگروام نہیں کرن دتا سی تے اج اوہی کم بلوچ تے پٹھان طلبا آپ کیتا کہ ایس جنگ وچ ات گردیاں، ماردھاڑ تے انتہاپسندیاں دا بول بالا ہویا تے سب ہار گئے۔ ایہہ سب کرن والے سوسائٹی دا سب توں پڑھیا لکھیا گروہ ہے۔ یونیورسٹی والے کتھے نیں؟ ایہہ وکھرا سوال۔ سوشل میڈیا تے نکی فلماں وادھو کہ ایہہ سب دس رہیا ہے پئی ضیا دے بچے جوان ہو چکے نیں تے ہرپاسے مار دھاڑ دا راج۔میڈیا وچ آکھیا جا رہیا ہے سب کجھ ہن ٹھیک ہو گیا ہے پر ایہہ خوف تے ڈر نوں منن والی گل ہے۔
کیہہ جداں جمعیت والیاں دنگے کیتے سن تے بندیاں نوں سزاواں ہوئیاں سن؟ کیہہ یونیورسٹی والے ایس نوں اینج ہی رکھن گے؟ جے ہر ڈیپارٹمنٹ دی اپنی سوسائٹی ہوئے تاں فیر ایس تے انتظامیہ تے طلبا اتے استاداں دی تنظیماں مل کے حل کر سکدیاں نیں کہ ایس پاروں زیادہ غور دی لوڑ ہے۔ پبلک ایجوکیشن دے حالات اگے ہی ماڑے نیں تے اینج دے وقوعے تعلیمی سلسلیاں دا کانڈ بچہ کوہلو کرن لئی کافی نیں۔ ویسے انہاں دنگیاں بعدوں جماعت اسلامی دے امیر سراج الحق ڈاڈھے پھسے نیں کہ اک پاسے پختون نیں تے دوجے پاسے اسلامی جمعیت دے منڈے کہ سراج ہوری دوناں نوں رام رکھنا چاہندے نیں ہورے۔صوفی مشال دے وقوعے اتے قائداعظم یونیورسٹی وچ دنگیاں بعدوں پبلک یونیورسٹیاں وچ ایہہ جھیڑے کیہہ دس رہے نیں؟ ایس بارے کجھ آکھن دی لوڑ نہیں۔سوچن دی گل تے ایہہ ہے پئی پرائیوٹ یونیورسٹیاں وچ ایہہ کیوں نہیں ہوندا؟ اتھے تے نہ کوئی پختون، بلوچ، سندھی، پنجابی ہوندا ہے نہ اسلامی؟ کیہہ ایہہ پرائیوٹ یونیورسٹیاں نوں وادھا دین دا ہشیار کم ہے؟یا ماڑیاں نوں ہور ماڑا کرن دا ول؟ ایس بارے جواب گھٹ تے سوال وادھو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels