Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نویں امریکی دفاعی پالیسی:چین ، روس ساڈے وڈے مخالف نیں۔دفاعی وزیر

نویں امریکی دفاعی پالیسی:چین ، روس ساڈے وڈے مخالف نیں۔دفاعی وزیر

وچار ڈیسک
January 20th, 2018

اصل ایجنڈا ہولے ہولے کھل کے سامنے آرہیا ہے کہ جے امریکہ چین، روس، ایران تے ترکی دے خلاف ہے تے اساں امریکہ توں کس خیر دی امیداں لائے بیٹھے ہاں۔ امریکی دفاعی وزیر دا نواں بیان سامنے آ گیا ہے جس وچ جم میٹس آکھیا ہے کہ امریکی جمہوری تجربے دے خطرے نال نبڑن لئی امریکی فوج نوں ورت سکدے ہاں۔ساڈی نویں قومی دفاعی پالیسی دا مڈھلا ٹیچا چین تے روس نال نبڑنا ہے جیہڑے دوجی قوماں تے مل مارو ماڈل لانا چاہندے نیں۔عالمی پدر تے اتھل پتھل ہے، چالو عالمی بندوبست ترٹ رہیا ہے، سیکورٹی دی حالتاں اونتریاں وی نیں اتے گرم وی کہ ایہہ انوکھی گل ہے۔ہن نویں دفاعی پالیسی وچ امریکی ترجیحاں ات گردی دی تھاں ملکاں وچ سٹریٹیجک مقابلے نیں۔میٹس ہوراں آکھیا پئی پچھلے سولہ سالاں وچ سانوں مخالفاں نہیں سگوں ڈیفنس بجٹ وچ کٹوتیاں مروایا ہے۔امریکی پارلیمنٹ ایس بارے سوچے۔روسی میڈیا ایس خبر نوں رپورٹ کردے ہوئے سرخی لائی پئی یا تے جو امریکہ سفارتی پدر تے آکھ رہیا ہے اوہ کرو یا فیر امریکی فوج نال نجھٹن لئی تیاریاں کرو۔ پالیسی ہولے ہولے کھل کے سامنے آ رہی ہے اتے چین مخالف ایجنڈا سب دے سامنے ہے۔چین حمائیتی لیڈراں خلاف بہوں ملکاں وچ کم تیز ، پر ساڈے ایتھے امریکہ توں امیداں وادھو۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels